紙藝雪糕 進駐大坑　連包裝紙都食得！【大坑食乜好】

27/11更新：冬日限定！燴番薯雪糕！

涷涷地，就想食燴番薯，不過香港小販檔買少見少想食都唔係次次搵得到！新推出既冬日限定「燴番薯雪糕」，用日本甜番薯，表面塗上左加拿大楓葉糖漿，再烤焗，燴番薯再切去頂部，挖去部分番薯肉，中間唧上冰凍既朱古力榛子雪糕，明天28/11開始有售喇！

除此之外，仲有熱朱古力直接倒入特製威化杯既s’more系列，好吸引！

16/9更新：9 月限定！卡娃依蘑菇雪糕！

踏入初秋，抓住夏天既尾巴，大坑呢家紙藝雪糕店就推出咗9 月限定既蘑菇雪糕！蘑菇上半部份係蛋白脆脆，根莖部份就係朱古力，一隻粉紅菇菇，一隻粉藍菇菇，呃Like度爆燈！

限定賣到9月30號，想食就快手喇！

紙藝雪糕 由頭食到尾　不留半點痕跡

雪糕店Loooop的店主Ethan鍾情於雪糕，不過他亦有一個跟大家一樣的煩惱：吃完雪糕後，包裝紙要找地方扔，顯得麻煩又浪費。曾在巴西學甜品廚藝的Ethan忽發奇想，如果連包裝紙都可以吃掉就方便多了！坐言起行，立刻找方法處理。最後Ethan在美國找到把公仔圖案印上可食用米紙的技術，把不同的有趣圖案印在米紙上，令 紙藝雪糕 變得更加新奇有趣！

試業期間極搶手　每日限定100杯

因為現在小店尚處於試業期間，這些全人手烘製的曲奇餅杯及米紙招紙暫時每日只限定供應100杯。味道方面，暫時供應的有以意大利藍莓Blue Moon雪糕及北海道3.6牛乳雪糕配搭出的MOON、XOXO、ZOO、POOL及Ice S’More Bar 5款味道，頭4款都是以雪糕加上不同的toppings及米紙圖案建立起主題，例如MOON就是以太空人登月為主題、ZOO則是以不同的動物作為主題。

MOON以Blue Moon雪糕為主，加上朱古力醬及星星脆脆，味道比較清涼，有點薄荷的感覺，但朱古力又為雪糕添加了甜味，大熱天吃實在一流。

而XOXO則以北海道3.6牛乳為主，配上士多啤梨醬及草莓乾，最後還在頂頂加上原粒糖衣士多啤梨，甜蜜非常，實際吃下則是先甜後酸，感覺不會太膩，相信女士們都會喜歡。

另外2款 紙藝雪糕 分別為逆插朱古力脆皮筒的ZOO及有一大粒棉花糖的POOL，淨賣相已夠搶鏡！難怪記者採訪當日看到每位顧客都要「相機食先」吧！

唔只食　仲可以玩

紙藝雪糕除了可以食用，其實還可以玩！好像記者一樣，就以MOON雪糕編了一個故事來玩，實行自編自導自演！不過要注意現在的天氣酷熱，雪糕很快就會溶化，要玩就要快！

即叫即燒　冰火棉花糖雪糕

不同於 紙藝雪糕 ，Ice S’More Bar沒有使用米紙，但製法一樣特別。外表只是一舊火炙棉花糖，但食落竟然另有乾坤！內層是包著威化餅的朱古力雪糕，配合外層的燒棉花糖，即叫即燒。這種製法能有效地鎖住威化餅內的雪糕溫度，冷冷的雪糕跟外面的微暖燒棉花糖形成對比，香濃之餘亦甜到入心！

小店於今天(6月19日)正式開業，不過今天只營業到下午8點，想試吃的朋友唯有明天請早了！

Loooop
地址：大坑浣紗街2A地下 (顯示地圖)
營業時間：12:00-01:00
電話：8192 8815

延伸閱讀：
10層 雪糕 試過未？最新夏日雪糕雪條搶先睇
2015必食 35個創意雪糕雪條一覽
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！