百變小櫻Cafe 6月登陸荃灣！限定食品+必搶精品！
廣告
百變小櫻魔法神奇誰可阻擋～看我Sakura～揮揮魔棒解開詛咒～不論性別，百變小櫻都絕對可以代表到80 – 90後嘅童年回憶，闊別多年，小櫻同基路仔（守護獸基路比羅斯）番嚟探各位香港粉絲喇！荃灣一向主打動漫crossover主題嘅Cafe，剛剛宣佈6月份開始舉辦首個「百變小櫻MAGIC咭」主題Cafe，雖然詳情就未有公佈，但心水清嘅fans都應該知道，日本方面同樣係4月開始喺唔同地區嘅 Animate Cafe 巡迴緊百變小櫻主題Cafe，一於搵嚟當地嘅限定食品同必搶精品俾大家過一過目先！
雖然香港方面未有任何進一步資料，我哋就唯有先睇睇日本百變小櫻主題Cafe現場，根據日本網民嘅直擊片段現場有放置唔少小櫻、基路仔同其他角色嘅裝置，最吸睛當然係立體基路仔同埋小櫻嘅魔法棒 ─星之杖啦！食物方面就以基路仔飲品最吸睛，但睇嚟大家主要都係想收集共20款嘅杯墊！
除咗食品之外，日本網民同樣入手咗唔少精品，儲物盒、襟章、杯，好多款賣相都幾精美吸引，睇嚟6月份要破財了！
到最後筆者都係戴番個頭盔，再次強調香港方面有咩食、有咩精品係未公佈嘅，大家想知詳情就要密切留意我哋嘅update喇！最後梗係以曾嘉莉主唱嘅百變小櫻Magic咭粵語 主題曲作結！
百變小櫻MAGIC咭主題Cafe
地址：荃灣眾安街2-8號3樓（顯示地圖）
舉行期間：1/6 – 14/7
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
