炸魚小店升呢 鑊上爆汁珍珠貝|觀塘有咩好食|

西環主打英式炸魚薯條及法式燒雞的小店Fish&Chick，素來都有口碑，今次於觀塘開設分店，比之前大四倍，餐廳全面升呢。除了炸魚及燒雞有新花款外，更增設意粉、鑊仔海鮮、自家甜品。必食白酒汁煮鮮蜆，連鐵板上枱時熱得滋滋聲，以當造珍珠貝做，肥美富海水味。招牌炸魚有六款，除每天由香港仔街市運來的新鮮鱸魚、盲鰽及鯛魚外，新店加入了格陵蘭的大比目魚，魚味和油份是眾魚之冠。另外黑松露烤雞，選用120日的清遠雞，將新鮮的黑松露及松露醬釀入雞皮及肉之間，慢燒35分鐘，肉質嫩滑juicy，屬九龍東少有優質海鮮小店。