浪漫又抵食！情人節4大Tea Set推介

Feb 5 2016

話咁快情人節，想食餐價錢「合理」，又浪漫特別，有咩選擇？不如食個靚靚tea set，比起晚餐價錢平一半外，又可以畀女朋友影相放上網呃like威威，一舉兩得！

情人節下午茶1：送你保鮮玫瑰

Cafe Bauhinia是以花為主題的Café，其為情人節推出的「I love U s’ MORE」下午茶，以紅色為主題，鹹甜點合共13款食物，而甜點中不少用棉花糖做成，等你同情人sweet住過節，不過放心，棉花糖甜品質地輕柔不會過甜，仲包兩杯特飲，兩人分享，份量啱啱好。
吃完下午茶，還有兩隻心形咖啡杯帶回家做紀念，一邊放滿棉花糖和自製朱古力；另一邊則放了加工紅玫瑰，保鮮期長達三年，放在家，提醒你：天天都係情人節！

情人節Tea Set_Cafe Bauhinia_Tea Set — 下午茶有：紫薯藜麥沙律、紅菜頭黑松露雞、黑芝麻茴香煙燻三文魚塔塔、心型馬卡龍、玫瑰花瓣朱古力、紅絲絨玫瑰cupcake等13款食物。

情人節Tea Set_Cafe Bauhinia_玫瑰甜心有氣特飲 — 玫瑰甜心有氣特飲，微甜有汽，帶玫瑰清芳，非常易入口。

情人節Tea Set_Cafe Bauhinia_心形咖啡杯 — 凡於11-14/2光顧情人tea set，就可獲贈此禮物。兩隻心形咖啡杯內滿載棉花糖、朱古力及玫瑰，花朵經過特別工序，可保鮮三年。

情人節Tea Set_Cafe Bauhinia_環境 — 以花為主題的咖啡店，間中有flower jamming活動，插吓花，飲吓茶，好relax。

Cafe Bauhinia
地址：上環新街市街23號地下（顯示地圖）
日期：2016年2月11至14日
供應時間：星期一至六 1:30pm- 3:30pm、3:45pm- 5:45pm、6pm- 8pm
收費：$676/2位，每對情侶均獲贈禮物一份。
電話：2368 9323
網址：www.cafebauhinia.com

情人節下午茶2：DIY鮮花cupcake

DK Cuppa Tea上年推出Tiffany Blue Tea Set超受歡迎，今年再推新款Tea Set！今次Tea Set一如以往用摩天輪放上食物，但以「春天樂章」作主題。食物造型以花為主，一共有13款鹹甜點及一杯飲品，款款都睇得又食得，好靚！2月11日至4月30日期間，可於上環及中環蘇豪店享用這個夢幻下午茶，每位$298，仲會送你五張介紹香薰精油的「魔法咭」！

歎完下午茶更可加$98，可以食用鮮花或法國威化花，裝飾屬於自己的兩件cupcakes，仲包埋禮物盒及心意卡，送畀人都得！

情人節tea set_DK cuppa_tea set — 「春天樂章」下午茶每位$298（官方相片）

情人節tea set_DK cuppa_玫瑰花園特飲 — 玫瑰花園特飲（官方相片）

情人節tea set_DK cuppa_鹹點 — 三文魚酥、英式鬆餅及花盆造型鹹點，包括巴馬火腿、山葵帶子、蝦沙津及呑拿魚沙津4款口味。（官方相片）

情人節tea set_DK cuppa_甜品 — 甜品有：薰衣草cupcake、柚子cupcake；柚子芝士蛋糕、心型馬卡龍、玫瑰花瓣曲奇、薰衣草口味壓花曲奇及心型柚子朱古力（官方相片）

情人節tea set_DK cuppa_cupcake — 加$98仲可以食用鮮花或法國威化花，DIY屬於自己的cupcake！（官方相片）

DK CUPPA TEA
日期：2016年2月11日至4月30日
收費：$298/位（最少兩位起）
網址：http://www.aroma.com.hk/index.php

上環分店
地址：上環新街市街 19 號地鋪（顯示地圖）
營業時間：星期一至日 12nn-8:30pm
電話：2386 3588

中環分店
地址：中環士丹頓街 16A號地鋪（顯示地圖）
營業時間：星期一至日 12nn-10pm
電話：2771 2847

情人節下午茶3：送化妝品畀你扮靚靚

每年都有不少化妝品牌與酒店合作推出Tea set，今次輪到PAUL & JOE和喜來登酒店Sky Lounge合作，推出「春日蝶戀花」法式下午茶。下午茶有12款食物，配2位咖啡或茶。

12款食物包括：覆盆子檸檬蛋白餅、粉紅雛菊雲尼拿蛋糕、玫瑰馬卡龍、迷你煙三文魚配魚籽三文治、迷你龍蝦牛油果三文治等等，甜品的造型更以蝴蝶及花做主題，非常精緻，食之前記得要相機食先！

由即日至3月31日到Sky Lounge歎下午茶，更可獲贈PAUL & JOE皇牌旅行試用套裝一份（價值HK$290）及購物優惠劵一張！

情人節tea set_SkyLounge_Paul&Joe — 下午茶食物以蝴蝶及花做主題，賣相唔錯！（官方相片）

Sky Lounge
地址：尖沙咀彌敦道20號香港喜來登酒店18樓（顯示地圖）
日期：2016年2月1日至3月31日
供應時間：星期一至五－3pm-6pm；星期六、日及公眾假期－2pm-6pm
收費：星期一至五$218/位；星期六、日及公眾假期 $238/位
網址：http://www.sheratonhongkonghotel.com/en/skylounge