梳乎厘班戟 $29超抵食 名廚出品！ |旺角食乜好|

撰文：Jacky 攝影：Tommy、Dick

大師級作品$29 梳乎厘班戟 入口即溶

新甜品店設於旺角白布街，所賣款式貴精不貴多，只賣5款甜品。最吸引當然是只賣$29 的 梳乎厘班戟 ，定價比香港現今市面選擇最少平一半！別小看這裏的出品，廚師 Perry 就大有來頭，曾於米芝蓮餐廳學師，近年亦在多個國際甜品大賽得獎，經驗無庸置疑。而梳乎厘班戟的配方，就是由比賽相識的日本好友相授，材料難得沒有將貨就價，一樣用上日本蛋，他又特別指出蛋白一定要慢慢打，才能保持豐盈而又綿滑的質感。

被問及價錢為何會定得如此低時，店主 Karen 就指自己也經歷過學生時期，拍拖時想食甜品，但不少甜品店的價錢都令人卻步，又指梳乎厘班戟的食材成本其實不算貴，今次開這間外賣店，降低租金成本，全部甜品都是30元就有交易，就是希望打破【平嘢冇好】的定律，平民價也可買到美味甜品。

記者評價：
雖然班戟賣相不是特別工整，但吃下口感鬆化，入口即溶，帶濃濃蛋香，絕對是水準之作。

除了原味，班戟另有7種口味可選，包括肉桂蘋果、木糠忌廉、芒果芝士等等，單味$34，雙味$39。

店內另有反傳統系列，gelato 配上不同材料，以及帶印度風味的炒奶粉，將3款中式甜品重新演繹。至於食錢窩夫，顧名思義就是將銀紙食落肚，甚具玩味。

窩夫同樣蛋香濃郁，質感外脆內軟，宇治抹茶慕絲甘香軟滑，不會太澀，十勝紅豆蓉甜味細緻。

銀紙以威化紙製成，可以食用。

Gelato 的豆腐味像真，灑上以冷凍乾燥技術製成豆腐碎，豆香超濃，下面是加了牛油的炒奶粉，非常香口。

外賣店格局，只設少量座位。

I Love You Dessert Bar
地址：旺角白布街24號藝興大廈3A地下 (顯示地圖)
營業時間：星期一至四 3:00pm-12:00mn 星期五 3:00pm-1:00am 星期六 1:00pm-1:00am 星期日 1:00pm-12:00mn