芝士撻熱潮未停！再推半熟抹茶芝士撻！【銅鑼灣食乜好】

芝士撻熱潮想停都無得停，事關又有新款式芝士撻推出，今次係抹茶味半熟芝士撻！芝士餡料用上北海道芝士，芝味濃郁，配合京都宇治抹茶粉，香濃微澀。此撻雖然沒有流心效果，不過質感滑溜，而且撻皮用上二種燒方式製作，鬆脆得來有牛油香，可以一試！

新鮮抹茶半熟芝士撻評語：

• 上次半熟芝士撻，用上兩款芝士，包括北海道芝士和美國芝士，味道會因為有美國芝士而帶點鹹味；而今次抹茶芝士只用了北海道芝士，雖然缺乏了北海道芝士的酸香，不過忌廉芝士味超濃，入口會馬上嚐到！
• 至於抹茶味，則在後勁中呈現，會慢慢地散發出來，留在口腔中。
• 餡料沒有流心，不過質感細滑Creamy。
• 曲奇撻皮厚實唔易散。
• 不過，對於女孩子來說，吃掉一整個都幾膩，可以考慮與人分享。

除了半熟撻，今次還再推出改良後的抹茶半熟芝士蛋糕。蛋糕依舊用上京都宇治抹茶粉和北海道芝士製作，餡料比例上有所改動，變為6:4比例（抹茶:芝士），抹茶味比上次濃咗，質感依然軟滑。

抹茶半熟蛋糕評語：

• 今次抹茶味明顯比上次濃郁，不過芝士味依然很濃，抹茶味很快被搶掉。
• 質感方面，依然細滑Creamy。

半熟工房
銅鑼灣分店
地址：銅鑼灣駱克道520號地下（顯示地圖）
營業時間：星期一至日：11:00-21:00
電話：2560 2400

尖沙咀分店
地址：尖沙咀金馬倫道6A地下（顯示地圖）
營業時間：星期一至日：11:00-21:00
電話：2367 9212

要食半熟蛋糕？唔駛突登飛去日本或台灣，香港都有得食啦！除了有忌廉芝士味半熟蛋糕外，仲有綠茶味。先同大家介紹返半熟蛋糕3個必試理由，再同大家分享試食報告！

原因一：外型小巧 食多件都唔怕

食呢啲蛋糕類的甜品，最怕就喺大大件，未食見到都已經膩。但呢件半熟蛋糕，細細嚿，幾「的骰」，過到口癮之餘，女孩們感覺上無咁肥，男孩們又可以好豪氣咁一啖食晒佢，好有滿足感。

原因二：口感軟熟又Creamy

這件半熟蛋糕的「半熟」是指蛋糕的口感好軟熟、好滑溜，有半熟的感覺，但實際是已經熟透。而此 半熟蛋糕 是可以達到這個質感，用刀切下時，都已經感受到那個軟熟的質感，入口更加被那濃濃的忌廉芝士吸引著，好Creamy。

第三，忌廉芝士味 濃郁而不膩

一遇上Creamy的蛋糕，好怕會有食到膩的感覺，而這件 半熟蛋糕 ，由於大小剛好，而忌廉芝士和牛油的濃度都控制得不錯，所以食落唔算好膩，會有想食下一件的衝動。

試食報告：

• 食之前，其實會聞到一陣綠茶香味。
• 入口後的質感與原味一樣，都是軟熟和Creamy。
• 至於味道，第一下的確只會嚐到忌廉芝士味，綠茶味有點被蓋過。
• 但過了一回，再慢慢地回味，其實都會嚐到一點點的綠茶香。

試晒原味和綠茶味，做返個小總結：

一、沒有流心 但值得叫「半熟」

其實呢款 半熟蛋糕 做到全熟係唔會有流心效果，但不代表這蛋糕沒有驚喜，因為這蛋糕的確做到軟身半熟的質感，所以稱之為「半熟」是可以接受的。

二、忌廉芝士味濃 綠茶味被蓋

忌廉芝士的味道真的很濃郁，如果以原味角度出發，這 半熟蛋糕 真的值得推介。但以綠茶味角色出發，忌廉芝士有點喧賓奪主，將綠茶味蓋過，而且原味價錢較便宜，大家識點揀啦～

三、包裝和價錢 好適合送禮

首先蛋糕的大小合宜，而且包裝盒有心思，價錢相對特式西餅算平，出去買件蛋糕西餅都要十幾蚊啦，依家呢件除返開都喺差不多價錢，都可以試下用呢款蛋糕送禮，做「散水餅」都得。

第四、雪凍食 效果更佳

初時以為，這款 半熟蛋糕 可以暖暖地咁食，蛋糕入口感覺上可以軟熟點，但發現凍食質感較好，不會過份軟身或過份Creamy，會有返蛋糕的口感。

購買詳情：
1. 到半熟工房門市購買
2. 可在指定凱施餅店直接購買（地址詳情到官方社交網站查看）

延伸閱讀：
芝士撻狂熱！$15低市價每日限量芝士撻
熱爆半熟 芝士撻 日本過江龍 vs 本地薑
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8

Android：https://play.google.com/store/apps/details?id=com.weekendhk.newsstand2&hl=zh_HK
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」，搞掂！