春夏去睏法寶・家鄉去濕粥食譜＠Hilda 梁雅琳
廣告
《春夏去睏法寶・家鄉去濕粥》
香港普遍的天氣的確係比較濕，春天就更加唔駛講。從中醫的角度來說，一但太多濕氣積聚於人體內，個人就好容易會覺得攰，並且會有訓極唔夠嘅感覺，所以喺香港住，定時都要去一去濕氣先得。以下呢一款「去濕粥」，係我由細到大屋企都會成日煲的，材料喺藥材雜貨店都會有得買，非常方便。夏天我就最鐘意煲定，然後放入雪櫃內雪凍當糖水食，正！
材料：
去濕料…………………………..1包（內有蓮蓬、生薏米、木棉花、燈芯花、土伏苓、赤小豆和扁豆）
白米…………………………..3/4量米杯
冬瓜…………………………..760克
水…………………………..18杯水
片糖…………………………..適量
做法：
1）去濕料和白米洗淨，瀝水；冬瓜洗淨，切件，留皮。
2）水注入煲內，放入所有材料（除了片糖）煮滾，轉中小火煮90分鐘，最後下片糖調味，完成。
延伸閱讀：
