【掃街王】「大過個頭」入味豬手！長沙灣5大肥‧美餐廳

Jan 8 2016

新一年掃街王就帶大家去長沙灣掃美食。呢區有站穩住腳的老字號，亦有新派食店。在新舊交織的情況下，最大得益的，當然是我哋呢班為食鬼啦！當中，有重量級入味豬手、$88位任食雞煲、刺身山坡壽司蛋糕等。事不宜遲，掃街王即刻帶大家掃食長沙灣5大可以儲肥你，而且賣相又靚又好味嘅美食！

1. 「大過個頭」入味豬手！平靚正西餐廳

長沙灣呢間平靚正西餐廳，性價比非常高，菜式由曾在酒店做主廚的廚師主理，水準有返咁上下，而且價錢又唔算好貴，幾抵食架！其中，烤焗鹹豬手最多人去試，淨係睇個份量有塊面，甚至有個頭咁大份，都已經夠震撼；而且豬手皮夠香脆，肉質香濃入味，值得一試！

星廚
地址：長沙灣青山道373-379號昭德大廈地下C舖（顯示地圖）
營業時間：星期二至日: 12:00-22:00；星期一休息
電話：2310 8448

2. $88任食雞煲！任添新鮮雞肉

任食雞煲其實好多地方都有，而$88一位這個價錢，其實都有不少地方有呢個優惠，不過，呢間任食雞煲所提供的雞肉是新鮮雞肉，肉質夠嫩滑；如果叫醉雞雞煲，一煲大概有16件雞，都算幾多。不過，唔夠食的話，可以任添雞肉，每次每碟有半隻雞的份量再加雞腸，添食到你飽為止。

林洪記
地址：長沙灣保安道325號保安道街市3樓CFS4號檔（顯示地圖）
營業時間：星期一至日: 18:00-03:00
電話：5171 0142

3. 鮮味刺身山！特色壽司蛋糕

記者最近有朋友生日，諗緊可以買咩蛋糕同佢慶祝呢？咁啱佢又鍾意食魚生，呢間位於福榮街的日式壽司店，所推出的壽司蛋糕應該幾合佢心意。呢款壽司有5-6款刺身，有挪威三文魚、甜蝦、日本帶子、吞拿魚、章紅魚、龍蝦沙律和加拿大海膽。刺身夠新鮮，而且疊到成座小山丘咁，刺身迷一見到個蛋糕，實開心呢！除了壽司蛋糕，這兒的蒜香三文魚帶子炒飯都好足料惹味，想食點有鑊氣的日式美食都可以試試這個炒飯。

提提你：這兒有壽司外賣速遞服務，可透過Whatsapp與店主聯絡，買滿指定金額，壽司就送到你面前。每地區都有不同指定金額，詳情可與店主聯絡。

千の味刺身壽司專門店
地址：長沙灣福榮街218號美居中心地下64號舖（顯示地圖）
營業時間：星期一至日：12:00-21:00
電話：2698 4343/9388 5690(Whatsapp)

4. 小清新柚子甜品美食

長沙灣區都比較少小清新咖啡室，而這間位於保安道的小店，開業大約三個月，以柚子為食材和主題，店面都以淡淡的橙色做主調，整個感覺好溫暖，為這區帶來一點小清新氣色。入面大部分甜品和菜色都加了來自日本櫪木縣的万葉柚子，清香甘甜。其中，他們新推出了柚子抹茶撻，一咬下馬上品嚐到甘甜的柚子味，微甜而不膩。除了甜品，他們的鹹食都加入了柚子元素，新推出了一款柚子胡椒雞翼，柚子解掉了胡椒雞翼的油膩感，忍唔住想食多隻呢！

柚屋 Yuzuheya
地址：長沙灣保安道55號美寧中心地下C1鋪（顯示地圖）
營業時間：星期一、三、四: 12:00-20:00；星期五至日: 11:30-21:00；星期二休息
電話：3956 5063

5. 這一天我們會飛！90後音樂型格咖啡室

這間正式開業不到一星期的咖啡室，3位90後店主，因為一首歌，Chris Staples－Humming Bird，而開了一間咖啡室。可能你會覺得，這個時勢，開間離地音樂咖啡室有點任性，不過，追夢不就是需要一點點任性嗎？趁著擁有年青這個無價的本錢，做喜歡做的事，終有一天都可以好像他們的店名，HummingBird，即使細小，都可以飛得很高很遠。

瘋鳥 Hummingbird Coffee & Food
地址：長沙灣順寧道65號地舖（顯示地圖）
營業時間：星期一至日: 11:00-00:00
電話：9861 1752