布達佩斯做主題 Ms B一萬元水晶蛋糕 【中環食乜好】

早兩日行過中環 JOYCE，竟然發現時裝店有蛋糕賣？原來是最近和Ms B’ s Cakery合作的 Pop-up Store。配合店內以電影《布達佩斯大酒店》為藍本的主題，推出一系列粉紅色，充滿少女味的蛋糕，見到已忍唔住大嗌：好靚呀！蛋糕貫徹 Ms B 華麗的作風，以粉紅忌廉覆蓋著牛油蛋糕，上面插有45粒Swaroski心形水晶裝飾，盛惠一萬，Grand到震。另外栗子做餡的Maison Ms B，外面圍上印有布達佩斯酒店的白朱古力，浪漫到連最近生日的阿 Sa 都要揀佢來賀壽。聯乘系列由即日起至2016年1月中，每款蛋糕須最少三日前訂，想呃 Like 就要快手！