尖沙咀5大新雪糕推介 溫泉蛋雪糕咁奇怪？|尖沙咀食乜好|
出奇地夾！溫泉蛋雪糕
將溫泉蛋加落雪糕度，聽落會覺得味道好奇怪，但竟然有意想不到的效果！因為溫泉蛋口感像啫喱，令雪糕變得更軟滑，而且雪糕亦令蛋黃的蛋香味更突出。雪糕除了配上Oreo，使口感更豐富、還有粟米脆片及乾果，令你食得健康！
不過想試這杯雪糕的朋友要留意，溫泉蛋雪糕每日限量20杯，要食就早d去喇！
Amitie Kitchen
地址：尖沙咀亞士厘道27號捷利商業大廈8樓（顯示地圖）
電話：3104 9234
營業時間：星期一至二，四至日12nm-10pm；星期三休息
所謂「一醉解千愁」，想醉唔一定要飲酒，食雪糕都會令你開心返！剛剛新開張的The Little Corner推出桑莓啤酒味雪糕，雪糕由粉紅啤Hoegaarden Rosée啤酒，加牛奶軟雪糕做成，鍾意飲啤酒又好甜品嘅你，就要去試喇！
CHEERS! 啤酒味軟雪糕
一杯雪糕內有半支啤酒份量，因此啤酒味非常濃郁，像喝啤酒一樣！雪糕有桑莓脆脆作配料，味道酸酸甜甜，正好中和啤酒的苦澀味。另外，雪糕還有朱古力爆炸糖，令口感更刺激！
又凍又熱 雪糕熱狗
由於啤酒雪糕含有酒精成份，所以不建議給小朋友吃這款雪糕，小朋友可以選擇另一款雪糕，由熱狗包和軟雪糕所組成的冰凍火山，軟雪糕口味每天都不同，有宇治抹茶、焙茶及牛乳味。
熱狗包即叫即炸，外脆內軟，加上軟雪糕，一冷一熱感覺好特別，而且包心充滿住雪糕，不會覺得麵包好乾。而宇治抹茶雪糕茶味出眾，不會太甜。
The Little Corner
地址：尖沙咀山林道10號山林閣地下2C號舖（顯示地圖）
電話：3954 5463
營業時間：星期一至日12nm-11pm
松坂庫不時推出獨特口味雪糕，如：Wasabi鹽、柿子醋等等，今次一口氣推出7款新口味雪糕，畀你食足一星期！其中一款是星空酒雪糕，賣相好吸引，如果你鍾意粉紅色，一定覺得靚！我哋BloggerPoortravellers窮遊即刻去試食！
粉紅控至愛 星空酒軟雪糕
Poortravellers窮遊：呢杯雪糕上面粉紅色嘅就係星空酒啦，夾埋竟然唔會怪，酒味唔係話太濃，食到雪糕嘅牛奶香。
苦味回甘 無花果籽x蜜糖軟雪糕
另外六款雪糕口味都非常特別，BloggerPoortravellers窮遊還試了有機無花果籽加栗子蜜糖雪糕，究竟味道又如何？
Poortravellers窮遊：呢杯係用咗韓國黎嘅栗子樹蜜加埋大阪嘅無花果籽，呢款蜜糖好得意，一開始會食到蜜糖本身既苦味，然後回甘，蜜糖甜味再慢慢浸出，加埋無花果籽嘅口感同雪糕奶香，呢杯好味。
松坂庫
地址：尖沙咀金馬倫道35號地舖（顯示地圖）
電話：2323 8700
營業時間：星期一至日9am-10pm
延伸閱讀：
Hello Kitty有機產品 殺入尖沙咀 |尖沙咀好去處|
$51日式燒肉定食 三文魚沙律任添 |尖沙咀食乜好|
