木人巷 平食之選：$26台式雞髀肉燥飯! |尖沙咀有咩好食|
木人巷 新出$16無味精肉燥飯！
最近推出自家製無味精肉燥飯，$16一碗包半隻滷蛋，另外可以加錢加餸。
一共有10款畀你揀，包括：滷水豬頸肉 $5/5片、滷水金錢展 $6/5片、滷水雞髀 $10/1隻、滷水雞翼$10/3隻、滷水蛋 $3/半隻、牛油粟米＄3、炒蛋／腸仔／餐肉／火腿$3。肉燥飯加一款餸，最貴都係$26，不過未知優惠去到幾時，所以想食就趁早喇。
原隻鮑魚碗仔翅
唔想食肉燥飯咁飽，店內還有其他小食。當中較受歡迎的是原隻鮑魚碗仔翅，真係有成隻鮑魚喺碗仔翅入面，冇花冇假！我哋嘅 Blogger Poortravellers窮遊率先為大家試食：「窮人唔畀食鮑魚嘅？唔只食鮑魚，仲要食原隻鮑魚！其實就細細粒，好似隻匙羹咁大，都幾盞鬼得意。鮑魚勁入味，碗仔翅都勁足料好多冬菇，仲熱辣辣添。」
砵仔糕
懷舊砵仔糕，$10一個，有蔗糖同椰子兩種口味，最緊要紅豆夠多！
砵仔糕 兒時懷舊小食 ~ 紅豆粒粒起沙 快搵三五知己試試 木人巷有售 #懷舊小食 #tst #傳統美食 #木人巷 #woodenalleytst
Wooden Alley（@woodenalleytst）張貼的相片 於 張貼
滷水雞翼
Blogger Poortravellers窮遊亦都有試呢度嘅滷水雞翼 ：「雞翼好大隻，滷得幾入味但唔會腍到好爛，都唔錯。」
奇趣三文治
$12一份奇趣三文治，奇趣原因係可以畀你喺朱古力榛子醬、花生醬、煉奶、牛油，4款口味揀2款。
奇趣三文治 大家一定想知有幾趣 ~ 🤗 其實中間既麵包焊過後，夾著2種味道，所以共有三塊麵包～令至層次感，口感同味道都豐富左。 <花生醬，朱古力榛子醬，牛油，煉奶，任選2款> 木人巷有售 #懷舊小食 #tst #傳統美食 #木人巷 #woodenalleytst #sandwich #peanutbutter #煉奶 #chocolatelover Wooden Alley（@woodenalleytst）張貼的相片 於 張貼
三文治套餐
三文治套餐，配料有火腿、炒蛋和午餐肉三選二，包係一杯熱奶茶或咖啡。
木人巷 Wooden Alley
地址：尖沙咀金巴利道78號金輝閣地下D鋪（顯示地圖）
營業時間：星期一至五 7:30am-10pm；星期六、日 11:30am-9pm
電話：2351 8728
延伸閱讀：
廟街通宵狗仔粉! 宵夜之選 |油麻地有咩好食|
平食宵夜之選! $38位任食 雞煲 @Poortravellers窮遊
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
