香港終於有！東京人氣 吉列牛 駕到！！｜太子食乜好｜

撰文：ning ｜ 圖片：Chi、網上圖片

解構人氣 吉列牛 ！

老闆Rick和Kyle兩次去日本實地考察，走訪多家 吉列牛 專門店邊食邊偷師，再研究吉列皮的麵包糠、炸漿、油溫、牛扒品種和部位，試了幾百次才煉成香港首件 吉列牛 。

店內現時有兩款 吉列牛 ，選用美國安格斯及日本宮崎、鹿兒島和牛的肩胛肉，貪其比西冷的油花四濺來得謙虛，同時帶有肉筋嚼勁。

原塊約4-5oz的牛肉蘸上自家吉列炸漿，放入特定油溫的炸爐炸一分鐘，取出厚切成件。

吉列牛 的外層是金黃吉列脆皮，不過內裡仍是鮮紅微暖半生狀態，記得要放上小鐵板燙熟先食呀。

平食揀安格斯 豪食有和牛

和日本一樣以定食形式上枱，有山葵汁漬白玉菇和龍蝦薯仔沙律作前菜，還有木魚絲白飯和麵豉湯，七件安格斯 吉列牛 的套餐售價$178，即使是A5和牛都只是$398，雖然比日本稍貴，但慳了機票錢，都算抵！

這個安格斯牛吉列御膳，吉列脆皮香酥兼備，厚薄適中，而且緊緊黏著牛肉，不會只食到粉漿；牛扒肉味濃郁，有juicy肉汁和微微的油脂香。

至於霜降牛吉列御膳就用上鹿兒島薩摩A5和牛，油花和紅肉絲絲相間，質感柔軟，食到滿咀油香之餘，少量肉筋令其更有咬口。

六款醬汁、配料 + 溫泉蛋

調味也比日本多，除了當地 吉列牛 常蘸的溫泉蛋和燒肉汁，還有柚子檸醋、芥末汁、粗粒Wasabi、柚子胡椒蓉和辣椒岩鹽，味道即時更豐富，安格斯牛配燒肉汁或芥末最夾，和牛配柚子檸醋或柚子胡椒則可解膩。

小知識： 吉列牛 扒的身世

「吉列」於明治時代由西方傳入，起初只有牛肉，後來為配合日本人口味，才改為豬肉。 吉列牛 沉寂多時，2015年再度紅起，涉谷、秋葉原、心齋橋均有專門店，人氣熱店包括「牛かつもと村」和「牛かつ壱弐参」等，人龍不絕，排足一小時是等閒事。

琥酌牛カツ居酒屋

地址：太子西洋菜北街159號A舖（顯示地圖）

電話：2650 0505

營業時間：12nn – 3pm、6pm – 11pm

吉列牛扒供應時段：星期一至五晚市、星期六、日及公眾假期全日供應

備註：晚市設加一、現階段只收現金

延伸閱讀：
旺角新掃街小食! 拳頭咁大手打芝士 墨魚球 +心形星形鵪鶉蛋 |旺角食乜好|