服務街坊三十年 佐敦酒家堅持 即燒燒鵝 |撐小店!|
撰文: Jeff 攝影:Scott 、Chi
即燒燒鵝 要等45分鐘
為了 即燒燒鵝 摸到上門，眼見街坊飯店格局，食客伙計都上了年紀，抬頭一張發黃的標語，上面八個大字「自家工場，馳名燒味」，橫批「 即燒燒鵝 王」。我左望右望燒臘架，好奇不 掛一隻全鵝，一個身形瘦削光頭阿叔便講「 即燒燒鵝，冇現成，要等最少四十五分鐘，上面工場即刻燒，得唔得?」
猶豫之間，一個伙計從閣樓拎著隻出爐肥鵝下來，鵝皮油亮硃紅，鵝髀不停滴油，遠望都感受到一陣溫熱「好正架！好多人來食過都讚好，唔會比深井啲名店輸蝕！」阿叔愈講愈興奮，旁邊師傅手起刀落，鵝油四濺， 怎能拒絕？
燒鵝用大小適中的四斤鵝，上味風乾六小時，調味雖無特別，但有柯打才入爐即燒，小批製作，皮脆肉嫩，鵝汁都是熱辣辣。
原來阿叔正是酒家老闆之一譚耀強，他82年起就在這裡開和記「初初來時，出面仲係大海，有街渡，有過海巴，餐廳仲係得一、兩間！」他說。譚生以前跟大哥、細佬在大角咀做推車檔，賣豆腐花起家。後來，花盡積蓄，租下小舖，賣點心小菜，取名和記，但求兄弟做生意，以和為貴。
服務街坊三十年 全靠平靚正
歲月如梭，面對豪宅圍城，餐廳競爭，強哥泰然地說：「最難做反而是SARS嗰 時，自己白做唔出糧，先剛剛好出到糧畀班伙計，多得街坊支持，捱咗半年先好返啲。」
酒家對面就是柯士甸的豪宅。
一條旋轉樓梯，可是歷史文物，從開店用到現在，招牌燒鵝每晚經此樓梯而下。
再大風浪的都見過了，今天無論早茶或晚市，不乏老街坊、地盤工、啤酒 客、公仔佬來打躉歎冷氣，客似雲來，有何要訣？「冇咩㗎，最緊要都係平、靚、正。」強哥笑道。
平、靚、正三字訣，和記卻用心做到。和記廚房有凌晨更的師傅開始做點心， 由蝦餃到大包都是自家出品，而且價錢相宜，「廿年前嗰時冇分大小點，一律七蚊，今日都仲係好平，腸粉十三，蝦餃廿蚊唔使。」租金人工翻了幾倍，點心才加了 幾蚊，強哥話：「幾十年老街坊，當薄利多銷，搵餐晏仔囉。」
晚市小炒 鑊氣強勁
晚市來者多是無酒不歡的性情中人，看看正廳一面牆，全是馬爹利軒尼斯XO茅台白蘭地，就知廚房出品好下酒。
試了幾道小炒，碟碟有鑊氣，有心思，招牌小菜蒜汁蝦球，是強哥大佬花了半年的創作，秘製蒜汁以咖喱膽、泰式酸辣醬等多種材料炒成，再燴上炸蝦球，味道全港獨家，滿口盡是鹹香蒜香！
小炒王佐料豐富，蝦乾、蝦仁、鮮魷、腰果、夏威夷果仁，立立雜雜，猛火快炒，乾身惹味，每碟$68。
湯每朝開門前入蒸爐燉至晚市，雞肉、雞腳的味道盡到湯裡去，雖然表面浮油，但喝來絕不肥膩，而且帶啖啖參味，味清純正。
能夠「平靚正」足三十年，與街坊和衷共濟，強哥自豪說：「全靠三兄弟裡外睇住出品，三十年來都落舖幫手，生意先保持得住。」不是矜貴材料，不是宣傳噱頭，不過一份真誠。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
