北角素食新據點 歎一盅兩件 | 北角食乜好
廣告
就算不是長期素友，但經過聖誕、除夕夜兩輪廝殺，也總要清清腸胃，迎接新年到來，素食便是不二之選。作為素食達人，例必蒲開中上環和銅鑼灣，其實北角都有素貨據點好推介。素之樂由做素食材批發，到經營私房素菜，至今已十多年。他們午市做點心，晚市則主打私房菜，當中所有菜式均走蔥蒜、蛋奶，最方便純素友前來找素。記者最欣賞其點心即叫即做，就連蝦餃皮咬落都很有韌勁，食得出是當日即製。而私房菜菜式又會每隔半月便轉款，夠新鮮感。
另外，餐廳旁原有一角落賣各適其適的「素」材，最近擴充成超市，貨品涵蓋衣食住行等範疇，當中食材佔8成，主要產自台灣、馬來西亞等地，而急凍食材也有百多款，由素丸到素腸都有，不少是純素製造，好適合無肉食打邊爐。
產自墨西哥，含豐富Omega 3和維他命E，用來伴沙律便最適合。
椰絲加上海鹽，健康零食之選。
用上大豆代替豬肉，口感出奇地像真。
無蛋成分的蛋卷，充滿椰香。
台灣製造，沖熱飲和搽多士均可。
私房菜隔離就係素超市，方便人食完， 可以即買走。另外，工作坊另教整生機漢堡包，又有營養師到場開講，希望能讓人由內到外認識素食。
素食一盅兩件
1. 珍珠蝦餃 $27/3件
內有素蝦和馬蹄，口感十足，只嫌皮不夠薄。
2.一品水晶餃 $27/3件
黑木耳加上紅蘿蔔，很有嚼頭。
3.魚翅燒賣 $27/4件
大豆代替豬肉餡，加上用海藻粉造的素魚翅，跟真燒賣無分別。
4.松露雜菌腸粉 $59/碟
即點即做，內有松露雜菌作餡，配搭新穎，很豐富。
5.精選拼盤 $118/碟
集齊甜酸苦辣的味道，有蜜汁脆鱔、叉燒、梅子苦瓜、雙椒百頁和芋頭沙律。
6.台灣炒米粉 $68/碟
配料有香菇，紅蘿蔔和幼細新竹米粉等，不落葱蒜，已很夠味。
素之樂創意蔬食料理
地址：北角渣華道56號胡曰皆商業中心1樓108室（地圖）
營業時間： 周一至六 12nn-2:30pm，6:30pm-10:30pm；周日及公眾假期 11am-3pm，6:30pm-10:30pm
備註：另有工作坊教造6款素菜（13-20/1，7pm-9:30pm，$360/2堂）
