【自助餐放蛇起底組】$126.4任食3小時!! 佐敦 新樂酒店 Semi-Buffet
撰文：新假期飲食組 | 攝影：新假期攝影組
新樂酒店 ：前菜任食 2款湯+沙律+蕎麥麵
半自助晚餐6:30pm便開始，可以任食3小時，小編平日晚上去放蛇，餐廳也坐滿7成人，想試的話建議先預訂會較好。前菜在自助區域，有沙律、蕎麥麵、湯和麵包，選擇都OK。
前菜和甜品在自助區，幾闊落。
有各款蔬菜可自製沙律。
比較驚喜的是有冰鎮蕎麥麵，有原味和綠茶。
小編試吃了綠茶味，雖然食時真的有淡淡的茶味，但麵質實在太腍，輕輕用舌頭頂一頂便散開，完全不用咬。
兩款熱湯，甘筍雪耳煲雞雖有足料廿筍和雪耳，但不見雞，飲落無味精，但味道淡如水。
另一款是鮮茄忌廉湯，其實味道超像番茄薯仔湯，質感Creamy濃厚，可以一試！
另一邊有已經塗上牛油蒜蓉的麵包片、牛角包和餐包等，有麵包爐在一旁可自行烘熱。蒜蓉包必食！蒜味超重，吃完定必口臭，坐隔離的要小心！
主菜7選１ 羊架好食燴雞麻麻
主菜menu一早已放在枱，想吃時才和侍應落單，不過當日落單後都等了25分鐘才上菜，建議前菜吃到一半時便應該落單了。當日試了紅酒燴雞及特級羊扒，兩份菜均份量豐富，燴雞味道偏鹹及肉質較嚡，羊架則有水準，非常juicy。
埋單價錢取決於你選的主菜，有各款肉類選擇，最平的是$158的紅酒燴雞，另外更有素菜選擇，幾貼心。每款主菜可跟飯、意粉或薯菜。
紅酒燴雞有4件雞，每件超大件，好多肉，未食先興奮，但肉質有點嚡，而且醬汁味道太鹹，吃一件便不想吃了。
薯菜擺盤值得一讚，靚到像畫畫般。
羊架一共有3件，大小適中，食落肉質鬆化，而且幾juicy，兼且沒什麼氈味，完全食得過！
甜品選擇多 格仔餅live station
甜品有很多細細件啫喱、小蛋糕和布甸，選擇頗多，另外有熱辣辣的南瓜金粟西米露及雀巢雪糕。而最驚喜的是有即製格仔餅及熱香餅的live station，雖然即製熱辣辣，但味道方便則有點……
凍櫃有各款小蛋糕和啫喱
格仔餅和熱香餅live station，另外有幾款醬汁可自己DIY。
即製格仔餅是這裡的名物，師傅說蛋漿只用了鮮奶加蛋，完全沒加水，但小編食完後頗為失望，老實說真是吃不出蛋香，而另外加了花生醬，花生醬亦似溝了水般，超淡味！
熱香餅都是沒有蛋香，但勝在超鬆軟，配料一定要加肉桂糖！超香肉桂味，而且不太甜膩。
南瓜金粟西米露味道像椰汁糕溝芋頭西米露，奇奇怪怪，而其他小蛋糕亦有出事位：吉士脆筒不脆、法式雜餅是朱古力味餡，味道好廉價，完全不想再吃。藍莓蛋糕係極品，藍莓味內充滿藥水味，恐怖！
雀巢雪糕任食
咖啡及茶任飲
總結：半自助晚餐的選擇一般，基本的都有，最驚喜的是個格仔餅live station。至於味道方便，前菜一般，主菜最平的一款紅酒燴雞失準，最貴的特級羊扒則幾好吃，甜品質素驚嚇位較多，而環境及衛生則正常，非常乾淨企理，完全沒有見到老鼠或小強出現。價錢方便，8折後羊扒餐$182.4，任食3小時，都尚可接受。
總分：5.75/10
新樂餐廳
地址: 九龍彌敦道223號新樂酒店閣樓(顯示地圖)
電話：2735 8862
半自助晚餐供應時間:
星期一至四 6pm-9pm
收費: 隨自選主菜而定，由$158-$228不等
用餐時間: 3小時
備註:收加一，宣傳期內有8折優惠
延伸閱讀
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
