|今期必試零食|推介一開八柚子汁！ 綠茶午餐肉好鬼伏

1.一開八濃縮柚子汁

近來喉嚨總是乾涸，確需要滋潤一 下，外邊一大瓶的柚子蜜，有排都未飲 完。呢包細細地， 產自韓國， 放在 Office 啱晒。以柚子液及水一比五份量 沖調，味道偏甜，飲落都幾潤喉，小小 一包可以沖到8次！

2.日本金賞焦糖布丁

長崎最出名是Castell 蛋糕，鬆軟 香甜。這款Castell 布丁，於14、15年 連續兩年奪得世界食品品質評鑑金 賞。食前先將焦糖粉平均灑在布丁 面， 布丁有香濃蛋香， 配上啖啖焦 香，甜而不膩。

3.走香檳軟心朱古力

Lindor 軟心朱古力一向都幾好 食，最近新推出了香檳口味，立即買包 試試佢。食完成粒絲毫不覺得有任何香 檳味喎，甜度同平時紅色包裝嗰款牛奶 軟心朱古力差不多，牛奶味重。

4. 把鬼綠茶午餐肉 （伏！）

綠茶真是神出鬼沒，就連午餐肉都有綠茶口味，太離奇了！外貌和普通午餐肉無分別，聞落都無綠茶味，半信半疑把它煎香來吃，噢！真的和普通午餐肉無分別，一點綠茶味也沒有，呃錢！

5.番茄味瑞士糖

最近超市發現有款番茄糖，用上北海道產番茄做，一盒12粒，食落有濃茄香，甜而不酸，微甜中有奶香，味道似番茄汁溝牛奶，意外合襯。

6. 即食唉吔米芝蓮拉麵

去日本梗要去巢鴨食米芝蓮「蔦」 拉麵，最近明星即食麵居然與「蔦」的分 店「蔦之葉」合作出杯麵。味道不錯，醬 油湯有胡椒香；麵質滑嫩彈牙，至正是 內附四粒鴨肉丸， 手指頭般大， 有肉 香。精華在於食前加進麵中拌勻來吃的 鴨醬油，打開有濃烈的蒜香。

 
(a)SU-PA-DE-PA
地址：油塘高超道38號大本型2樓201號舖 （地圖）
電話：2577 1168
(b) 松坂庫
地址：銅鑼灣軒尼詩道396-416號1-2號地舖 （地圖）
電話：2882 0877
(c) 一田超市
電話：3955 1818
延伸閱讀
|今期必試零食| 超足料！柚子味濃雞丸杯麵！
|今期必試零食| 新年到! 6款熱門曲奇 邊隻要小心?!