旅行最怕遇到的5種旅伴＠旅神TravelMaster
廣告
旅行最重要是腳！每日朝夕相對，好的就 happy ending，唔好的就吵獲勁。可惜，10次旅行總有3幾次中伏，你又遇過以下5 種未？
1) 公主型
幾乎想一出門就好似有隨意門去到目的地，的士來的士去。 公主一唔鐘意就發哂脾氣，搞到同團人任何決定都要全程考慮佢感受，驚得罪佢。最慘係比人當阿四咁用，買完野又要人幫手拎返酒店。
2) 冷水型
去到任何地方都覺得同香港無分別，仲覺得山長水遠就係睇呢啲渣！不論行程安排去玩定食都無感受， 令 plan trip的人好無癮。
3)喪買型
行到邊買到邊，平的貴的通通都要睇，甚至買到飯都唔食，要全村人陪佢捱餓。一見到%off就眼都突埋，懶理同行人感受沖入去掃貨先算。
4)偽無所謂型
Plan行程前就話交哂比你決定，無所謂！去到就嚴三嚴四，一時覺得間酒店住得唔舒服，一陣又話咁熱點解去行街唔去 cafe坐。問佢去邊食，又答無所謂，點知去到又彈無特色。
5) 渴睡型
雖則去旅行未必次次都係趕景點，
但都唔好訓到連酒店早餐都 miss埋，餐餐出去食 brunch當特色啊！去resort 歎就話懶洋洋過一日啫，萬一去到必睇日出的國家都訓到不願醒，個刻真係會嬲到想掉低你係酒店。
Photo : Online
延伸閱讀：
