【全港必吃上海菜】手工滬菜 醒胃惹味繽紛登場
廣告
南小館由來自上海嘅師傅團隊主理，將傳統手工上海工藝，加入當代流行飲食元素，製作出令人耳目一新嘅新派上海菜式。師傅對上海大大小小食材同配料瞭如指掌，而且功架十足，因此餐廳每間分店都以開放廚房設計，讓食客一邊欣賞師傅即叫即製手工菜式，一邊享用具創新意念上海菜式。
火紅串串香+醒胃玉子豆腐
師傅團隊經常推出創新菜式，以傳統上海菜做基礎，演變出口味多變新派菜。今個初春為咗踢走納悶感覺，師傅用香辣醒胃為本，以水煮概念推出即製串燒系列，有海鮮、菇菌類、自家製海帶結同鵪鶉蛋等時令選擇，仲有酸酸甜甜嘅乾燒玉子豆腐、啖啖肉嘅芝士年糕炒龍蝦同加咗抹茶嘅蘿蔔絲酥餅，獨特有創意。
即叫即製海蝦、香菇、海帶結、青瓜同鵪鶉蛋等，放入紅噹噹香辣自家製辣汁內，以水煮形式奉上，夠晒刺激！
揀選咗本地龍蝦，可選用芝士或避風塘料香炒而成，配合上海年糕入口，啖啖肉又夠惹味，超滿足。
入口鬆化嘅傳統點心，外層灑上香濃抹茶粉，更具多重層次口味。
十分吸睛嘅傳統手作點心，包括有橙色外層的蟹粉小籠包、綠色的是帶子小籠，以及鮮肉小籠包，外婆紅燒肉燒賣及翡翠水晶餃，一次過食盡各款小吃。
爆汁足料嘅生煎包，包和餡比例適中，鮮肉餡料鮮味十足，盡顯師傅手作心思！
傳統家常小菜，上海鹹肉跟炒飯的火喉炒得剛好，十分滋味。
上海大白菜鑊氣十足，加入煙煙韌韌年糕，一齊入口層次感豐富，健康又清新！
餐廳資料
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
