【全港必吃東南亞美食】祖傳秘方 新加坡米芝蓮海南雞飯
廣告
於新加坡無人不識嘅天天海南雞飯,以獨門祖傳精製雞飯令店外總係人龍不絕。登陸咗銅鑼灣Fashion Walk嘅首間海外店,天天海南雞飯連同另外3間新加坡米芝蓮指南推薦小店,搖身一變成當地熟食中心,日間有招牌必食套餐;晚餐時分就化身成酒吧餐廳,推出升級版小菜,配以由駐場調酒師特製的多款Cocktails,及創意美食如椒鹽酒香鮑魚、和牛手卷、喇沙脆腩等,每道菜式加入了各店嘅米芝蓮特色精髓製成,另外九龍站圓方設有分店,性價比極高之選。
靠堅持及執著的雞飯
「成為咗創辦人蓮姐嘅契仔,先獲得傳授祖傳雞汁嘅部分秘方,因為唔會對外傳人,所有口味、製作都跟足新加坡總店!」把「天天海南雞飯」帶來香港的老闆Charles直說。就係呢份堅持同一絲不苟製作嘅執著,喺新加坡麥士威熟食中心嘅「天天海南雞飯」門外總係排滿人龍,一、兩小時已屬平常事,品牌總廚進駐香港分店後,確保口味跟新加坡一模一樣。看準了雞飯吸引,老闆們更將其餘3間新加坡米芝蓮街坊食店「老街坊」、「超好面」及「五十年代」一同加入餐廳餐牌之內,好似「超好面」嘅西班牙豬肉慢煮叉燒麵、「老街坊」嘅牛腩牛筋麵同豬手麵、仲有「五十年代」嘅南洋奶茶同咖啡,將新加坡人氣美食集中於一店,將如出一轍嘅地道口味帶入香港。
![天天海南雞飯 跟足新加坡製法,同樣用了較健康脂肪少嘅白羽肉雞,而且經冰水浸過後,雞皮爽滑,仲有營養豐富嘅啫喱層,肉質極之嫰滑;油飯處理更繁複,先炒香新加坡薑、香蒜、斑蘭葉,再落湯放米,全程人手炒至乾身後再蒸,十分香口而且吸盡配料精華,絕不簡單。](https://imgs.weekendhk.com/wp-content/uploads/2019/04/nhv4dxh3MJN7gxp/a043_01_10068723275ca30b5b5b31f.jpg)
![超好麵 將新加坡麵進一步升華,香港鴨蛋特製撈麵底,配上用36小時低溫慢煮嘅西班牙黑毛豬叉燒、港式蝦肉雲吞、薯絲炸蝦同流心蛋,配料同樣獨到,自家製森巴辣醬,再加以用檸檬草、香蘭葉、洋蔥同大蒜香味製成醬汁拌食,每天限量供應200碗。](https://imgs.weekendhk.com/wp-content/uploads/2019/04/nhv4dxh3MJN7gxp/a043_03_16088097775ca30b7bdeddf.jpg)
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。