【自助餐放蛇臥底組】$398瘋狂任食五款 大閘蟹 自助餐
廣告
大閘蟹之約，一年一次，絕對值得隆重其事。今年，我決定大~開~殺~戒，來次大閘蟹自助餐，豁出去，吃過痛快。將軍澳的紫粵軒去年首次推出這種除了蟹，只有蟹的新式自助餐，一出就大獲好評，今年再搞，一推出首星期已經訂滿，到底係未抵食先？
5款大閘蟹任食唔嬲
沒有騙你，入座率有9成之多，差不多全部人都在食大閘蟹，很有氣氛。話明任食，真的有5款大閘蟹排住隊等你試，即點即蒸，唔怕凍晒，都幾細心。5款大閘蟹包括：清蒸、冰鎮黃酒、薰衣草蒸、風沙及釀蟹蓋。花款幾多，很有新鮮感。
清蒸大閘蟹最大路，沒有驚喜。
黃酒冰鎮大閘蟹，酒香不足，吃不出黃酒獨有甜香。
風沙大閘蟹最好味，因為夠香，夠惹味。
釀蟹蓋，蟹肉多，外脆內香，有洋蔥及白菌襯托，啖啖肉。
薰衣草蒸大閘蟹，聽起來新穎，但其實吃不出任何香氣
蟹仔細細 膏香偏淡
廣告話每隻蟹約4-5両，但偷偷秤過，平均得一百克多啲，未夠3両喎﹗可能未是最當造時期，size普遍偏細，而且吃起來蟹膏不算甘香，顏色亦偏淡，未算好吸引。
蟹膏顏色比較淡，沒有塞滿蟹身的震撼景象，味道亦不夠香濃。
清一色供應蟹公，size偏細，不足3両，似未發育完成。
一人一客特選菜式
大閘蟹雖細隻，但就勝在任點任食，落柯打後，10-15分鐘就上枱。今年特設拆蟹服務，加$5/隻，就有專人席前拆蟹。全個過程，1分鐘搞掂，抵唔抵，見人見智。怕吃蟹太寡，可以加$1換購燕窩蟹粉海皇羮，每人一碗。另外，每位客人亦附送兩粒鴛鴦蟹粉流沙丸。
原以為拆蟹專員會代為起肉，誰知只是剪去蟹肺，挑出蟹心之類，全個過程，1分鐘搞掂，早知慳返。
加$1換的燕窩蟹粉海皇羮，材料足，吃出燕窩及蟹肉，但稍嫌過鹹。
每位有兩粒鴛鴦蟹粉流沙丸，用蟹粉花枝打成，名為流沙，實流沙，扣分。
