2016出走新指南 《 Lonely Planet 》搶先賣

仲有3個月就到2016年，又係計劃旅行的時候。Lonely Planet (LP)下月就推出 《 Best In Travel 2016 》繼續介紹來年值得去的10個國家、城市同35個世界各地的每月節慶。但如果你已經鎖定目標要去阿姆斯特丹、柏林、羅馬、悉尼或華盛頓的話，就可以考慮入手新加入的《 Make My Day 》系列旅遊指南。新書將活動以早、午、晚分類，而活頁設計更可以讓讀者自行組合出超過2,000個行程。現時更可與手機 App配合一齊用，相比以往黑白印刷、磚頭咁重的 LP旅遊書避免翻到書都爛的情況之餘，搵路都方便得多。