2015印第安12圖騰運程預測 – 鹿/啄木鳥/三文魚/熊
眾所周知，印第安人尊崇野生動物同風火水土各種大自然元素，佢哋甚至相信神會透過各種野生動物去同佢哋溝通，所以佢哋嘅文化都特別natural同wild。所以印第安人都好希望自己能夠擁有各種野生動物嘅特質，亦因此出現咗以北美洲各種充滿活力嘅動物做代表嘅圖騰。
今次我哋除咗介紹12個圖騰嘅性格之外，仲有各圖騰嘅2015年運程預測！今次輪到鹿、啄木鳥、三文魚同熊啦！
鹿 Deer
出生日期：5月21日 – 6月20日
特性：
愛幻想的鹿鹿雖然喜愛發白日夢，但就算係咁，都仍然深受大家愛戴，因為鹿鹿性格活潑外向，能夠令人產生正面的想法。同時，鹿鹿的幽默感異常地高，幾乎咩都可以拎來幽默一番，使他們非常受派對歡迎，簡直係歡樂先生／小姐。
非常姿整，十分重視自己的外表及衛生情況。鹿鹿其實有少少自我中心，但因為經常俾到歡樂其他心，所以往往其他人都唔會介意。
鹿鹿心情好時非常主動熱情，會帶好多歡樂俾人。戀愛中，不時會令伴侶有新的啟發。
鹿鹿唔高興時情緒反覆不定，難以捉摸，亦會變得懶惰同難以信賴。
2015年運程預測：
2015年會係比較平靜的一年，最好趁呢一年休息一下。好好調養身體，整理思維，為隨時出現的機會作準備啦！
愛情：單身的可能會遇上較自己成熟的另一伴。而戀愛中的有可能因為工作或屋企人影響而感情變差，有必要留意。
財運：5月有機會加人工！而7月則反而有機會因為小意外而破財，建議對錢銀嘢留心多點。
事業：年初時要記得收歛一點，否則容易同上司或同事發生衝突。年中開始會好轉，工作環境亦會相對變得輕鬆。
人際關係：因為價值觀開始轉變，朋友圈子亦會相應地有變化。2月要小心同朋友之間嘅爭執。年尾有機會同工作伙伴感情增加，變成好朋友。
啄木鳥 Woodpecker
出生日期：6月21日 – 7月21日
特性：
基於啄木鳥嘅極強同理心及善解人意，作為一個聆聽者，啄木鳥認第2無人敢認第1。亦都因為咁，啄木鳥經常成為 “心靈醫生”，俾朋友捉去聽訴苦。愛護家庭的性格亦令到啄木鳥成為好好的家庭成員。
行為方面，啄木鳥比較傾向節儉同有計劃，喜歡組織成盤計劃之後先行動。
順境時啄木鳥係一個非常忠誠同充滿浪漫的人。尤其對家人更甚，無論係精神上定係物質上亦會無條件全力支持對方。
但當啄木鳥處於逆境，就會變得自私，佔有慾會愈來愈強，易於動怒及產生妒忌的情緒，好多時都會嚇親伙伴。
2015年運程預測：
新一年開始，會有更多的機會及可能來到。年初時，可能會因為太多選擇出現而不知所措，但只要冷靜下來諗清楚邊一個決定最適合自己便可。
愛情：因為有太多選擇，當做咗個伴侶唔鐘意的決定時，就有機會嘈交。但最重要嘅係面對自己的心情，否則壓力會喺呢一年長伴在心。
財運：上半年會有好強的財運，但年中則會有危機，需謹慎處理，但可趁機會停落嚟思考一下以往用錢嘅習慣及價值觀等等。
事業：因為種種機會的到來，如果能夠好好把握，事業上會有一大進展。但正因如此，生活會變得忙碌，亦可能因此同伴侶嘈，需要小心。
人際關係：事業得到發展，生活變得忙碌，人事上亦會相應地出現考驗。尤其是三、四月的時候要花多點心機喺朋友和同事的溝通上，盡量收歛自己的脾氣。
三文魚 Salmon
出生日期：7月22日 – 8月21日
特性：
野生三文魚會為產卵而逆流而上，充滿活力！所以屬三文魚的人都一樣，活力滿滿！所以同三文魚一齊嘅大部份時間都會感到活潑。同時，三文魚係充滿創造力和智慧的，所以經常會喺人群中擔任有影響力的角色，如領袖或管理層等。
三文魚心情好時絕對係一個好的伙伴同知己。慷慨、公平待人亦令他們成為理想的好朋友或工作伙伴。
同正能量時嘅三文魚完全不同，心情差嘅三文魚可以做出令人憎惡的行為，欺凌別人。要小心如果長時間推持呢個狀態，朋友亦會漸漸疏離。
2015年運程預測：
踏入2015年，三文魚運程有大幅增長之勢。平時已比較強勢，今年更加充滿自信。下半年財運亦會大大提高，唯一要注意嘅係自身的健康。
愛情：有自信係一個十分吸引人的特質，在自信極強的今年，三文魚可要小心桃花運太強！下半年，會更加注重自己外表與形象，但就唔好太過嚴謹帶來反效果了。
財運：今年年初會有小風險，要小心選擇投資，以免因小失大。下半年財運開始轉強，可以放膽一點去投資。
事業：今年事業無咩大起伏，若果係從事創作或關於運動的，喺下半年可能會遇上瓶頸位。而其他工作的，要小心唔好因為自信太強而同上司發生口角。
人際關係：今年三文魚人緣十分不錯！尤其唔係太熟的人，有機會認識到可以幫助自己的貴人。
熊 Bear
出生日期：8月22日 – 9月21日
特性：
12圖騰中，熊熊係非常務實的，十分重視好好利用時間去做有意義的事。關心同伴和忍耐力強亦都係熊熊特質，所以熊熊通常係值得信賴的同伴。
熊熊思維很理性，邏輯思維令他們能解決大部份工作上的困難，簡直可以話係冷靜的代表！當身處同一圈子中，熊熊永遠都係樂意分享自己的心得，但因為天生比較內向，其他人反而會忽略咗熊熊的好意。即使如此，熊熊亦能夠喺自己內心入邊尋找小平靜的樂趣。
熊熊器量非常大，而且樂於關懷別人。其耐性及好脾氣亦令他們能夠成為一個好的指導者。
當熊熊處於逆境或者獨處太耐的時候，可能會鑽牛角尖，更加會想避開其他人。懶性亦會表現出嚟，會覺得理好自己一個就夠了，變得有點自我中心。
2015年運程預測：
熊熊今年會遇到一連串奇怪的事，令熊熊可以反思人生的意義。順利的事比較多，總括而言係開心的一年。
愛情：1月時可能同伴侶會有期望落差，小心因此而嘈交。單身的則有機會喺1、2月遇上新對象。如果係同另一半貌合神離，亦有機會喺今年分開。
財運：2月時會有小量投資回報，而9、10月會有突發事件，好事定壞事則因人而異。年底有機會加人工，但亦有同債務相關的破財機會。
事業：整體事業運一般，如果係服務業工作者則會比較順利，但晉升機會依然微弱。
人際關係：年初會同同事多了溝通，有機會變為朋友。5月、7月會同朋友發生不愉快事件，有機會互相加深了解，亦有機會因此決裂。
