2015印第安12圖騰運程預測 – 水瀨/狼/隼/河狸

Jan 9 2015

中國嘅12生肖同西方嘅12星座就聽得多，印第安人用嚟推測運程嘅方法你又聽過未？今次要同大家介紹嘅係北美洲12圖騰──亦即印第安文化衍生出來嘅12類人分析。

眾所周知，印第安人尊崇野生動物同風火水土各種大自然元素，佢哋甚至相信神會透過各種野生動物去同佢哋溝通，所以佢哋嘅文化都特別natural同wild。所以印第安人都好希望自己能夠擁有各種野生動物嘅特質，因此出現咗以北美洲各種充滿活力嘅動物做代表嘅圖騰。

今次我哋除咗介紹12圖騰嘅性格之外，仲有各圖騰嘅2015年運程預測！廢話少講，就由水瀨、狼、隼同河狸開始啦！

水瀨 Otter
出生日期：1月20日 – 2月19日

特性：
偏離常理、有許多古靈精怪的想法。做事方式多數唔跟常規，但通常都能夠好好地完成工作。可能就係因為水瀨對事物睇法同一般人唔同，再加上天生的想像力及智慧，令水瀨能夠搵到另一個達成目標的方法。
直覺及觀察力強，識睇眉頭眼額，所以能同大部份人做好朋友，又或成為一個好好的聆聽者。
誠實、有同情心同敏感的特質亦令水瀨能成為很好的指導者。但當水瀨自己一個做嘢時，就可能會變得孤僻和不擇手段了。

2015年運程預測：
前兩年都應該非常忙碌，而今年終於會得到回報了。1月時健康會有小問題，要小心自己身體！

愛情：
由於之前的忙碌會得到回報，所以大可放鬆一下，去尋找另一半或好好處理感情問題吧！整體而言今年愛情運係強勢的。

財運：
1月可能會支出較多，尤其係用於朋友間的應酬。年中會有投資回報或加人工的機會，好好把握吧！但10月時危機會出現，有投資的朋友要小心啦。

事業：
之前的忙碌會得到回報，所以大可放鬆休息一下！職場上有機會遇到貴人，令你更上一層樓！

人際關係：
雖然年尾有機會朋友圈子大執位，但大可放心去同朋友或戀人多點相聚！有機會同反咗面的朋友重修舊好，但亦又機會再次見返損友，要小心考慮。

狼 Wolf
出生日期：2月20日 – 3月19日

特性：
狼喺眾多動物當中代表高傲，同時亦特別尊貴。
「狼人」感情豐富且充滿熱情，尤其是對著所愛嘅人更加唔會作出任何保留。
但狼本身亦非常獨立，鐘意一個人獨處，對自由亦有所需求。愛情上，如果無咩大事發生，狼會好愛護另一半，而且好少拈花惹草。
但當狼處於低谷時，也許會失去冷靜，報復心亦很強。

2015年運程預測：
浪漫熱情嘅狼，今年事業上會頗有發展，所以亦會非常忙碌，需要作出心態上嘅調整。但如果工作上真係令狼太壓抑，建議都係做返自己好點。

愛情：

無論係單身定戀愛中，都有機會展開新的戀情。假如同另一半感情已經係似有還無，或者係一個機會重新開展另一段關係。8月至9月時要特別注意，因為有可能出現欺騙感情的人。

財運：
2月同3月會有機會得到突如其來的收入，但5月同6月則有機會因為屋企設備而要花費一筆。建議唔好洗腳唔抹腳，留多個錢應付突發的事。

事業：
除咗6月至9月，2015年可以話係狼的事業衝刺期！有空閒時間就抖多點應付隨之而來的工作吧！

人際關係：
成年都無咩大變化，除咗3月有機會喺屋企附近認識到新朋友！不過同時要小心同鄰居因為無聊事情而發生口角。

隼 Falcon
出生日期：3月20日 – 4月19日

特性：
屬隼的人天生就擁有領導能力，有責任感，喺一群人中會係可靠的領袖或同伴。
工作上，喺能力範圍內，隼隼會傾向快速地完成工作，更會精益求精地想做到最好。同時，亦係一個值得信賴的好同事。
或者有些人會因為唔服隼隼的領導而提出質疑，但多數最後都會發現隼隼的做法先係最好。
隼隼唔係一個死氣沉沉的人，無論跟咩人相處都依然充滿活力。
當所有人都跟著隼隼的做法而行時，他們會表現得很友善同容易理解。
但係當事情偏離隼隼所諗，或者唔係跟著他的計劃而行，隼的態度會180度轉變，由樂於助人變得專蠻及苛求。

2015年運程預測：
整體而言，會發生唔少改變價值觀的事件，雖然過程唔好受，但亦可以藉此改變自己，重新出發。

愛情：
今年隼隼的愛情運非常強勁！單身的絕對有望喺上半年搵到另一半。但到咗年中，不論係一齊咗幾耐，亦可能會出現令你反思呢段關係嘅事情。

財運：
今年財運並唔係太好。3月、6月同7月要謹慎點。另外，亦有可能因為外遊同進修要花一筆洗費。

事業：
一直唔起眼的事業運將會好轉。後半年可選擇注重喺溝通上，將會為你帶來更多嘅機會，或減輕工作上嘅壓力。

人際關係：
2015年的人際將會十分唔錯，透過同朋友溝通及互動，自信心及見識都會有增長。不過要注意的是12月有機會同一直有心病嘅朋友正式決裂，如果唔想發生就要小心講嘢啦。

河狸 Beaver
出生日期：4月20日 – 5月20日

特性：
超級勤奮係河狸俾人的第一印象。管理能力強、適應能力高、同時亦非常有毅力。大多數時間，河狸會做他認為正確的事直到最後一刻。遇上困難時亦多數能夠巧妙地解決問題。
憑著小聰明，河狸喺工作同辯論上都會有好好表現，但亦時常會唔小心擺咗姿態及作出踩界言論，所以當一班人傾緊大事時會有機會激嬲人。
心情好的河狸係一個善解人意同真誠的朋友。對愛人會亳無保留地分享自己的事，係一個好好的伴侶。
但係當河狸的原有計劃被打亂時，會方寸大亂而且容易發嬲。而且頗為神經質，會用盡一切方法令事情受控。

2015年運程預測：
整年運程會較以往比較多變化，尤其是朋友圈子，但整體而言都係過得比較輕鬆嘅一年。

愛情：
上半年可能會比較沉寂，但踏下半年就會開始好轉。單身的可能會遇到新伴侶，而已成雙的則會感情更好。

財運：
財運一般，尤其是年中危機較多，要謹慎投資。

事業：
雖然工作上無咩大危機，但要小心唔好犯小錯誤！年底有機會同同事或上司發生爭執，建議唔好太激動！

人際關係：
會發生關於你的流言，切忌因而動氣！年初將會有考驗，可以趁機會睇清楚邊個係真正朋友。

圖片來源