雪糕拉麵網民自製！關注組分享傑作 ＄18.4三款食材完美複製｜飲食熱話

雪糕拉麵自製不求人！成本$18.4即完美複製！

香港網民一向創意十足，行動力驚人，見日本雪糕拉麵大熱，紛紛在家自製雪糕拉麵，以平民即食麵及雪糕，並在Facebook關注組分享其傑作，發帖：「自製雪糕拉麵成本唔使50」、「我地真係跟咗谷友試呀！低卡辛辣麵加阿波羅雪糕」但自製成本低處未算低，其中一個發帖更以超低成本價$18.4成功複製雪糕拉麵，教路選用$4.4韓版辛拉麵、$10宮田雪糕、$4帆立貝：「自製雪糕拉麵：韓版辛拉麵（$4.4）+宮田雪糕（$10）+帆立貝（約$4）」如此知慳識儉，立即引來大批網民熱議，獲得2千多個Likes及百多個轉載！

味道如何？有無肚痾？

帖子引來網民熱議，有人大讚樓主醒目，夠曬經濟實惠：「樓主勁！咁樣自家製又真係唔駛去排隊」、「有餐廳都有賣類似既麵，你自製經濟實惠。」不少留言都擔心樓主的腸胃：「肚痾嗎？」亦有人好味雪糕拉都又鹹又甜，味道究竟如何，有沒有遺和：「辛辣麵味道會變左唔辣？」、「咁個雪糕餅呢？好淋嗎？照食？」

樓主立即回應，多謝大家關心，吃完後並無不適：「首先多謝關心，我是昨天早上11點多吃的拉麵，食完之後好舒服。」再報告食味，覺得雪糕和辛苦麵味道相得益彰：「雪糕中和了麵的辛辣，湯麵的辛辣又舒緩了雪糕帶給腸胃的冰凍感。」並覺得浸軟了的雪糕餅皮像腐皮：「餅本來就不脆，浸在湯中變成腐皮的感覺（參考「發明者」的說法）。」又大方分享雪糕拉麵的食法：「我的食法是先吃掉大半舊雪糕，剩下小半撈湯，效果像加了牛奶，不過更甜一些。總之我下次還敢。」

亦有不少網民提議多個變奏版：「整個香港版，用福字面加阿波羅雪糕有冇得諗？」、「其實加yoghurt會唔會有相同效果呢」、「變左甜酸辣麵，配菜加埋苦瓜，咁就變甜酸苦辣麵，港式Fusion菜」。大家不妨試試！

日本大熱雪糕拉麵！香港跟風大排長龍

日本大阪拉麵店推出的雪糕拉麵，創作出「辣味噌軟雪糕拉麵」，前無古人，新奇的食法立即引起大眾注意，原支雪糕放在拉麵上，配上辣味湯底，一鹹一甜，一冷一熱日本網民都大讚味道竟出奇地：「非常幸福的一餐」！風潮吹到來香港，香港人氣拉麵店「一生懸麵」就與「想甜｜嚐甜」甜品店合作，推出期間限定雪糕拉麵，每日限發售，引來大批拉麵控朝聖，開售第一個星期已連群結隊挑戰，未開門已經有不少人排隊等待，其中一間分店營業不足半小時，雪糕拉麵已紛紛售罄，曾試過3個小時內全線分店售罄！不過雪糕拉麵只供應至10月6日，供應期經已完結，想食的話，似乎真的要在家自製了！