莎莉蛋糕7大食法！連登仔集思廣益 最多人BBQ＋官方建議最佳食法 ｜飲食熱話

莎莉蛋糕7大食法！

莎莉蛋糕食法1）放冰格

放冰格可說是最傳統的食法，有大半留言都是放冰格：「速凍嗰格0-2度最好」、「一定擺冰格雪到硬哂咁食，有種食雪糕既feel」、「冰格，好X好食」不過如何解凍就各施各法啦！有些人放雪櫃下格略為解凍：「放冰格，食之前，放下格3分鐘再食，直接冰格拎出黎食會太硬」有人就放室溫解凍：「擺冰格，食之前拎出嚟室溫解凍半個鐘」不過笑言通常都會心急等唔切。

有人問為何放軟了的莎莉蛋糕會比較甜：「唔知點解覺得軟d會甜d」、「又真係，硬啲無咁甜」亦有好心網民解畫：「你要硬就要凍d，溫度越低，鹹味的感受越強烈、而最接近人體體溫的時候，甜味才最能展現」。原來如此，長知識了！

莎莉蛋糕食法2）BBQ

想不到原來除了綿花糖外，也有人會用莎莉蛋糕來BBQ：「去BBQ會買去燒」、「每次Bbq必食」，亦形容食味為「面頭熱，少少脆，入面微凍」嘩！聽到都流曬口水呀！難怪不少網友都大讚好味：「我有位朋友係燒莎莉師黎，試過返唔到轉頭」、「BBQ燒過，真心正」。而且有人建議一個很絕的吃法，就是加綿花糖一起燒：「莎莉+棉花糖，超邪惡」嗯，食味一定很Sweet了吧！

莎莉蛋糕食法3）氣炸

前幾年氣炸窩興起，堪稱懶人恩物，什麼食物也放氣炸窩，連莎莉蛋糕也不放過，結果是極好吃：「氣炸莎莉勁好食，外脆內軟， 勁香」。氣炸做法非常簡單，將蛋糕平均厚切，以180度氣炸，可先氣炸4分鐘，翻轉再氣炸3分鐘，一共7分鐘，保證兩面都香脆！

莎莉蛋糕食法4）焗＋鮮忌廉

如果家中有焗爐，網民推介焗原味或朱古力莎莉蛋糕，方便又美味：「 原味同朱古力，焗完先食，好正」如果再加鮮忌廉，就一流了！「一定係入焗爐，焗熱食，唧啲鮮忌廉。」

莎莉蛋糕食法5）蒸

有網民反樸歸真，用最傳統的方法去蒸熱蛋糕：「細個試過蒸返熱食，好軟綿綿。」應該會更濕潤軟冧吧！

莎莉蛋糕食法6）叮熱＋雪糕

叮叮好方便，用微波爐一定是懶人首選，叮一會立即熱辣辣，識食一定加Topping，味道立即升級，最常見都是加雪糕：「鐘意加雪糕落去食」，加熱了的蛋糕配上冰凍雪糕，冰火口感一流：「叮暖少少，加雪糕一齊食」、「鐘意加雪糕落去食」。

莎莉蛋糕食法7）加煉奶

有好甜的網民再加煉奶：「原味，食果陣加煉奶」不過這個甜入心食法似乎不太常見。

莎莉蛋糕另類切法：薄切

除了不同的食法外，也有網民表示，莎莉蛋糕的厚薄程度，都會影響其味道！最喜歡切薄片，可以慢慢嘆：「細個個時鍾意砌到佢有咁薄得咁薄好似紙咁樣食」、「以前切對薄片食」。可能切片可以襟食啲？