辭職點解要派散水餅？打工仔不服氣老派潛規則：公司請返我先合理
廣告
辭職點解要派散水餅？有網民討論區發帖文，質疑離職日要派散水餅的做法不合理，確實離職時向上司同事派「散水餅」這個香港職場文化，經常在討論區內惹起爭論，有網民認為派散水餅是嘥錢買人情，仲要應付「前同事」對散水餅諸多要求，吃力不討好，亦有持相反意見的打工仔稱派散水餅是好聚好散，可藉此向好同事、好上司心意表達感謝之意。當然辭職時派不派散水餅是個人自由選擇，大家又點睇？
辭職派散水餅係邊個發明？不忿氣老奉要派
事主在「連登討論區」上以「我辭職，點解仲要請人食散水餅？」為題，質疑為甚麼是辭職的人要派散水餅，更提出「其實係咪公司請返我先合理」。有不少網民都隨即和應，指「同意，你照買左先 claim返公數」、「臨走都要破財」、「其實根本多舊魚」、「都散水 仲請咩，日後都唔會再見嫁啦」，亦有網民提出疑問「其實唔請會有咩後果？」，質疑買不買散水餅其實是一點分別也沒有！
外國公司請VS香港員工自費 職場文化大不同
有不少網民都認同樓主的想法，更提出外國做法與香港完全不一樣，「外國公司有人走通常都係同事夾錢送禮物攪party，只有好高層離職先會買餅/coffee請班手下」，亦有網民分享類似經驗，「我同事走乜都冇買，反而啊姐送花俾佢又買西餅」。
派散水餅是個人選擇 表達謝意祈日後好相見
雖然有不少網民都同意買散水餅其實一點意義也沒有，不過網上亦有其他聲音的出現。另一批的網民指出只是一種文化，禮尚往來的做法並沒有任何問題。「其實係同事請食飯，離職的同事請返佢哋食散水餅，你來我往啫」、「係禮尚往來呀！起香港一向都有同事請離職同事食飯，到最後一日離職同事請食散水餅回禮同多謝同事一直關照」，亦有網民指出，香港的這種做法比外國多點心意，是一個很好的習慣。
散水餅幾時派最適合？
散水餅是打工仔辭職後，在last day派給同事吃，，詳情
按此。
網民點睇散水餅？
網民各持己見，詳情
按此。
圖片來源：TVB《愛回家之開心速遞》截圖、TVB《心路GPS》截圖、YouTube@查理斯囉截圖、東方衛視《三十而已》劇照、東方新地編輯部
