自攜杯帶咖啡返公司飲！為慳咖啡錢各出奇謀：保鮮紙＋雪櫃防變味｜飲食熱話

自攜杯裝咖啡 咖啡迷各出奇招帶返公司飲！

作為一個打工仔，咖啡可說是必需品，更有人會咖啡當水飲，才能好好地打拼！雖然咖啡是中產的玩意，但一日在外買個好幾杯，荷包自然會難受，所謂小數怕長計，不少人都會在家先沖好咖啡，自攜咖啡回公司慢慢嘆。近日就有人在Facebook群組「咖啡迷 We Love Coffee」中發出靈魂一問：「想問下群友有無人會係屋企沖好咖啡，裝落自攜杯帶返去公司飲？」樓主在隨後的留言中也表明，雖然要早起身沖咖啡，但「如果日日出面買3-40蚊都幾係野」。

如此知慳識儉，立即引來各大同道中人和議：「我日日都係咁做」，更有人表示自己沖才最啱口味！「以前朝早會去快餐店買咖啡，但唔夠飲，口味又唔太啱，自己沖，所有嘢fit 晒」，有些網民非常順得人，全因茶水阿姐才帶咖啡：「有啊！因為茶水阿姐唔俾我哋用公司咖啡機打奶….佢話麻煩佢洗」，有人非常咀刁只帶奶：「我就自己帶熱奶返公司飲espresso，公司咖啡機嘅奶，唔啱口味」亦有人分享只帶凍啡：「會帶 cold brew， 熱飲就帶掛耳番去沖」、「只可以凍啡，熱啡易變酸」、「只帶Cold brew or 冰滴」。

咖啡會變味？網民分享小貼士！

但亦有人覺得自攜咖啡唔太work，因為會變味！「試過，會變味」、「我試過，就算荃灣去荃灣，奶泡都變左，唔太好飲！」，「金屬壺變味變得仲快」，更有網民好心解釋到：「好似係因為發酵加氧化，所以d味會變得少少奇怪」吓？咁點算呀？

但沒人可以動搖到打工仔慳儉的決心，網民各出奇謀，分享帶啡小貼士！有不少人用上陶瓷杯防變味，更分享使用經驗：「手沖直入陶瓷暖杯，等5分鐘先閂蓋，個半鐘之後飲⋯」、「有！沖完用fellow mug~陶瓷膽又唔漏～成粒鐘車返到公司都ok」有人大力推介Nespresso的便攜杯：「日日都用半自動機沖返工飲，用Nespresso的便攜杯，唔覺有變味，3年有多。」有人提醒要待咖啡稍涼才入壺：「我有呀。虹吸，沖好放至稍涼，放陶瓷保溫杯。我老公會帶返去公司飲，佢話ok。但佢唔會放好耐先飲，開車返到公司無耐就開始飲。」

更有人提議加保鮮紙、放雪櫃：「個人測試經驗係，朝早沖，用保鮮紙，放公司雪櫃，減輕氧化，少少發酵感覺上甜酸味會更突出」、「我有時晚上會用Moka Pot煮好咖啡，用保溫瓶盛着，凍後雪一晚，明早帶回公司加奶飲。」如果想加奶的話，以免奶變酸：「帶凍嘅，or買盒奶返公司」、「我駱駝牌帶奶啡」。

公司沖好過？帶機返公司有危機？

當然如果公司有咖啡機，不少人都寧願在公司沖咖啡：「係公司沖好過」、「喺公司等人沖，裝去自攜杯，拎返位飲」甚至自己帶咖啡機到公司，非常大方指出「何解唔擺套架生喺公司冲？」，立即引來一波留言反駁：「驚帶左個個拎黎用」、「我試過，個個叫你沖比人佢飲」、「係！飲飲下成包豆無曬」哈哈哈！又真係幾無奈。當然亦有人一了百了：「好麻煩，所以我把cafe戒佐」吓！都好大犧牲喎！