【8、90後回憶】 10個學生時《你的少女時代》 妳中咗幾多個？

1. 籃球隊的男神

唔知點解，每間學校都會有一位公認嘅男神，佢哋一係成績好好，一係好有音樂才華，一係運動好出色，而最常見嘅，佢哋通常都會集所有優點於一身，文武雙全，迷倒一眾少女心！

2. 好閨密

佢哋會陪你癲、陪你笑、陪你喊，會幫你手關心男神動向，陪你一齊迷偶像，適當時候仲會挨義氣幫你出頭！只要你受委屈，無論道理喺唔喺你嗰邊，佢哋都一定第一時間撐你！記者身邊就有7個咁樣嘅好知己，你哋呢？

3. 瘋狂迷戀偶像

相信每個女孩子都幻想過偶像係自己嘅男朋友，金城武、陳曉東、謝霆鋒、羅志祥，一個又一個唔同年代嘅男神，想當年記者睇羅志祥演唱會都企喺第一行唱唱跳跳足一晚！雖然唔似林真心鍾意華仔鍾意足咁多年，但係諗返都覺得自己當年好青春好熱血！

4. 悉心打扮 自以為靚爆鏡

細個嘅審美觀總係好特別，會襯好多完全唔夾嘅衫，化妝初哥又會化到成隻馬騮咁，但係對於當年嘅我哋嚟講，其實一切都係為咗搏得男神歡心，而家諗返，都只可以輕嘆一句：「來忘掉過去～」

5. 瞬間變女神

正所謂女大十八變，好多細個其貌不揚嘅女孩子，畢業之後都會瞬間變女神，唔駛去醫院驗都知唔係整咗容，而係因為醜小鴨終於都識打扮，擺脫mk，成為氣質女神！所以男孩子們，真係要細心留意身邊嘅女孩子，好多都可能係潛力股嚟㗎！

6. 未夠秤偷偷入機舖

雖然唔似得徐太宇咁猖狂著住校服入機舖，但係相信好多人都試過未夠16歲但係偷偷入機舖，每次行入門口嘅時候都心驚膽顫！當年最驚就係畀人check身分證，而家就不知幾想畀人懷疑自己未夠18歲呀鳴鳴！

7. 走堂食早餐

老實講，記者中學時期都未試過走堂為咗去玩，但係因為遲到而唔返學，去附近麥當奴食早餐，相信大部分人都試過！如果你喺中學時代未試過遲到唔返學，轉戰麥當奴早餐嘅話，學徐太宇話齋：「你將來會後悔！」

8. 「老」師

唔知點解，每間學校都一定會有最少一個咁樣嘅老師，記者喺睇戲嘅時候腦入面就立即有畫面！又惡、要求又多、外貌又唔出眾，仲要唔知點解通常都係教語文嘅添！

9. 訓導主任＝壞人

中學嘅訓導老師幾乎係學生公認嘅敵人，成日都會覺得，只要佢睇你唔順眼，就一定會搵到你身上校服儀容唔啱嘅地方，明明人人都係咁，點解捉我唔捉佢！

10. 我們的紀念冊

「在臨別就似明星給我簽名對我表演～～」，每逢畢業季節，都係紀念冊的季節，每次執屋嘅時候拎返出嚟睇都會又喊又笑！

延伸閱讀
Lady M新口味 伯爵茶千層蛋糕 超正！
【周末攻略】 6大市區野餐好去處
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！