農曆跟團Join邊間？@杜遊珍

外幣跌、航班增、燃油降、假期長…… 上星期講過， 嚟梗農曆年，港人齊心離境度歲，旅行社朋友亦大表樂觀，瘋狂查詢、求過於供，就算團費較去年同期升10% 至15%， 市民一於少理：「出到境，就係贏！」報團之前， 除咗揀地點， 最好就係回帶睇睇track record，話說消委會喺今年初四至初十三之間，曾經派員駐守機場禁區內的行李領取處，生擒活捉，訪問了2,514名剛參加完旅行團返港的旅客， 叫佢哋品評旅程滿意指數，結果發現大家都好包容，「滿意程度」、「回頭客」指數高企！除咗以下非常刺激嘅排名榜外，團友似乎都幾介意「改行程」，喺內地、歐洲、台灣及日本四個目的地中，內地團最常遇上更改行程，大部分都係刪減觀光點；日本團更改出發日期情況就較多，以今年遊日團臨近爆滿的走勢，行程安排、團隊服務又會面臨壓力測試，希望各位可以訂到啱心水嘅團或者套票啦！