美食新車 百年樹下歎Pizza

自上星期財爺講完香港可以有「賣魚蛋燒賣的Food Truck 」後，立即想參考國外例子睇.有冇得借鏡，果然在鄰近的曼谷就搵到2月剛開業的美食車登場，主理人是來自法國的餐廳老闆及意大利廚師，主打正宗Pizza 與啤酒，價錢由฿250/HK$60至฿490/HK$117一件，在泰國屬於中產價錢，不過美食車位於兩棵百歲老樹下，配合小黃燈，可以與朋友談天小吃乘涼，感覺一定相當放鬆，如果香港要借鏡，首先要搵到咁空曠的地方先得啦！搞美食車只需要過百萬，其實唔難！