「個仔俾人笑係大陸仔」！中港用語大不同
廣告
早幾日，討論區上一篇名為「個仔俾人笑係大陸仔」的文章在網上瘋傳，文章內容大意為在一次小學的家長聚會中，升讀普教中的仔仔因為將番茄以普通話講成西紅柿，而被其家同學仔譏笑為「大陸仔」，隨後該家長更發現仔仔原來唔太識粵語字，原文如下：
可能就仲會有人覺得，其實中港詞彙分別不大，學生學習邊個都一樣，都生活影響不大，咁大家不如估下以下的內地食物詞彙其實係講緊咩食物？
1.大麥克
2.馬耳
3.冰激凌
4.獼猴桃
5.大馬哈魚
6.雞腰子
答案：
1. 巨無霸
2.牛脷酥
3.雪糕
4.奇異果
5.三文魚
6.雞腎
你估中幾多？
其實一句講哂，勉強地以普教中教育香港學生，雖然有助普通話進步，但就與香港及粵語文化完全脫節，使學生課堂上所學習的與現實生活不協調，變相更難應用於日常生活上。
筆者在網上搜尋７舊課本的圖片，發現６、７０年代的舊課本，在內容上是極力將香港的獨有文化，語言，融入在教育之中，舉例說20~30年代的《英語指南》，全用廣東話諧音字來拼音，課本中的中文解釋更非常口語化，超地道！
不論是６０還是７０年代的舊課本，每頁都充滿老香港的人情細味，除了舊日的香港風貌，從舊課本中還看到許多已失落了的鄰裏、社區及行業。
