點止火燒 一籃子 榴槤 奇趣食法！＠Charmaine

近日 fb 瘋傳 榴槤 BBQ 條片，網上已有真人測試，燒時不時翻轉，至榴槤自然裂開後再燒多5-10分鐘就食得，馬拉試食人Jaguar Lim話，燒過的 榴槤 味道更濃，甚至有牛奶的香味！聽到心思思想燒返個試下，不過先要諗下去邊燒先無人投訴。上網 Wave下，竟又發現榴槤原來有很多食法，除了甜品和將榴槤殼和核煲湯解熱氣外，大陸仲有網站教人用榴槤來燜紅燒肉、炒臘味飯、燉排骨和做三文魚批!本地方面，元朗屏山有榴槤煎肉餅飯食，肉餅跟榴槤的比例是 2:1，加起來超過一吋厚，金枕頭 Creamy 得來味濃香甜，配肉香竟然出奇的夾，榴槤控要食！此店的肉餅款式前前後後推出超過50款，另外還有黑椒荔枝、芒果、豆豉鯪魚等，配搭很劃時代！