飛 日本 買撈攻略 勞力士無止境！
廣告
阿珍同身邊朋友一年都飛 日本 十次八次，近年見得最多嘅係強國人拎住電飯煲、熱水煲甚至廁所板四圍走，計我話，強國的水源經常查出各種不妥、廁所板再豪華都不切實際啦~
啱啱阿珍又同富貴朋友遊 日本 ，朋友早在上年年尾日圓跌至65時掃了兩隻鑽勞，又喺大阪機場買咗個Hermes，剛剛2月再去，發現Hermes 已經調整價錢，足足貴了十萬日圓，阿珍都大讚朋友當日買得精明！進入正題，今次阿珍都打算買返隻勞力士，年年升值幾千，好過買股票。雖然不少人會在日本二手店及Big Carmera 等搵貨，計我話要穩陣當然去專門店，仲要去高島屋內的專門店，不但有得退稅，而且遊客有5% 折扣，折實的GMT Master II 居然比Big Carmera 仲平，比正價平八千至一萬港紙！不過，專門店賣唔賣畀你當然又係另一回事，不少炒款都係唔會放在飾櫃的，阿珍的富貴友人因曾買鑽錶，已是熟
客， 一進門已認得佢， 所以無放在飾櫃內的GMTMaster II、Explorer II 新款橙針及在香港並不是常有貨的Deep Sea 等阿珍都買到，，轉頭見到強國客拎住廁板又去問型仔Sales 有無Master II，佢哋就空手而回喇。型仔Sales 仲畀低卡片阿珍，叫阿珍下次去，早啲打畀佢留錶呢！
買勞小貼士︰
1.基本上一個人只買到一隻
2.日本專門店一定會拆晒錶上的膠貼，唔接受的唔好去混吉
3.保證書不會即時畀你，會以EMS寄回給你
4.付現金不怕滙率浮動
5.請勿呼喝店員！！！
延伸閱讀：第三跑道 食腦就搞好？@杜遊珍
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
