【煮食神器開箱文】雙重邪惡Party必備鐵板芝士燒烤機

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 5 2015

芝士熱狗、芝士拉骨 hit 到爆，但係唔想排隊，又唔想等位，可以點做？這部芝士燒烤機由法國生產，在當地多數是冬天用來煮芝士，配凍火腿或薯仔同食，上層鐵板來為食物保溫，下層放上三角小鐵板用來熱溶芝士 ( 可用 Raclette 或 Mozzerella)。來到香港，玩法更多，一機做到各種最流行的芝士乜乜乜，今次就為大家試玩下。

鐵板很薄身，傳熱非常快，三分鐘變高溫，燒肉效果媲美坊間韓燒，迅速鎖緊肉汁，凹凸的坑紋設計可將食物墊高，有助排走多餘油脂；易潔塗層也清洗方便；六個三角芝士鐵板，放於鐵板和發熱線底部，靠兩者熱力將芝士溶化，雖無直接接觸發熱源，但芝士卻溶得徹底，淋上食物後即時變身邪惡料理。唯一缺點是機身無遮掩，使用鐵板時會有被油濺到的風險。但總括而言，這部機可塑性高，鐵板燒、煮菜、溶芝士、牛油粟米都得,買來開 Party 用就最啱。