【銅鑼灣】終於游到嚟！ 日本鯛魚芭菲始祖

前排廣華街韓國雪糕鯛魚燒勁Hit，仲未食？唔怕！它的始祖，日本Tai-Parfait 已殺到來港。說是始祖，因為於五年前，Tai-Parfait 正是日本發明鯛魚芭菲的第一個品牌；就是在傳統日本燒菓子鯛魚燒上（類似紅豆餅），加入雪糕及其他甜味的Topping，成為鯛魚芭菲，之後才傳到去韓國。日韓兩者最大分別是鯛魚的質地，韓國的魚身較薄，帶粉質，富蛋香；Tai-Parfait 則用九州麵粉，Size 細三分一， 但魚身外脆內軟，中間還有像Mochi 的QQ 煙韌質感。雪糕用A1 Bakery 日本產的雲呢嗱口味，奶香濃郁；怕肥，亦可選帶微酸的澳洲Fro-yo。魚腹內餡有綠茶、紅豆、吉士三揀一，綠茶味道最清香，紅豆蓉較甜， 期待快點像日本推出多啲SpecialEdition！