試住新宿駅最新酒店 野生捕獲 1 比 1 哥斯拉 @Wina
廣告
上月去東京入住 4 月底全新開幕的酒店 Hotel Gracery Shinjuku，酒店位置極之方便，由新宿駅東口出過馬路「百果園」大招牌路口直入就見到酒店。Check-in 大堂位於 8 樓，有專屬升降機由地面直達。
大堂樓底超高，旁邊有一間小 Cafe 亦係全酒店唯一附屬的食肆（不過唔使擔心喺新宿又點會餓親，而且一樓商場亦有不少新食肆進駐），最矚目當然係一列落地玻璃窗外透出今期主題 1 比 1 哥斯拉 大怪獸，每晚 7 點哥斯拉更會發出吼叫配合燈光，真係栩栩如生，近睇都驚驚哋。實體哥斯拉展期去到 8 月 31 日咋，Fans 想去朝聖就要趁今個夏天！
好！講返酒店間房先。成間房個布局亦頗具心思，採用開放式廁所的設計，睡床與門口之間有一道木門，使用時拉起木門，就變成寬濶的浴室，化妝、洗面都好鬆動。使用完畢拉開木門客房空間又即刻變得開揚。設計得聰明，客房的浴室與卧室兩邊都偷多少少空間，住得更加舒服。最重要係價錢抵住，上 Agoda 訂都只係 $870 起一晚，連稅後都只係 $1,035 左右，以新宿中心位置加上全新設施來講真係好抵住！
Hotel Gracery Shinjuku
地址：東京都新宿區歌舞伎町 1-19-1
酒店官方網頁
Agoda 預訂網頁
