【觀塘】鐵板Brownies！嗞嗞聲的幸福甜點！@食界許sir
廣告
甜品一向重味覺，更重視覺感受，你看看現在大家到甜品店的「相機先食mode」便知一二了吧？！但今次網上見到呢條鐵板Brownies片，一按play已經聽到嗞嗞聲，大家睇之前記住開大喇叭feel下！
熱辣辣鐵板，十足鋸扒般盛載即叫即製的brownie，就係店長呈上的一刻，你要立即將70%濃度的比利時朱古力淋上去！嚓一聲，猶如黑椒汁的熱朱古力漿，隨即在鐵板上有冒起，絕對係未食已覺得好幸福！
朱古力蛋糕外層帶濃濃可可味，配上每月自家炒烘的合桃，香味十足。配合焦糖香蕉與連雪糕來吃，冰火感覺一流！不過提提大家，掛住影相之餘都要儘快食，因為塊鐵板唔算太熱，涷食不論賣相和味道都會打節扣呢。
此美味的鐵板Brownies，是才上年十一月開店的小Cafe ─ Coffee Art，位處於繁忙的工業區內，店面不足二百呎，約十來個座位，店主Sheila和New想將小Cafe打造成打工仔偷閒歎咖啡的好地方！說到這裡，不得不再介紹這店超抵飲的立體拉花咖啡！配以精緻動物拉花造型的latte macchiato，居然才$30元，超抵飲！
同樣抵食既仲有呢個Deluxe All Day Breakfast ，炒雜菇、炒滑蛋、煙三文魚共７款材料，賣相與味道都非常豐富，才$68元應該平絕同行。
Coffee Art
地址：觀塘成業街7號東廣場G46號舖
營業時間：星期一至六8am – 8:30pm
更多飲食資訊：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
