【西灣河】太安樓生力軍 小食焗飯一齊掃

「小士林」太安樓近年紅到發紫，唔少港人專程去食消夜，近日再有小食店進駐，老闆夫婦以前開餐廳，後來為家庭轉做文職，發現始終對飲食業有心癮，加上「蒲」慣這個消夜熱點，個多月前頂下前身的漢堡店，改賣各款小食。特色首推台式炸湯丸，湯丸蘸上麵粉後炸至接近乒乓球大小，立即為湯丸添上新層次；另外還有七味魷魚鬚、邪惡芝士煙肉三文治及BBQ 春雞，種類多達十多款，認真花多眼亂，若嫌小食唔飽肚，仲可以試埋焗飯，掃街迷實在不容錯過。