秋風起 去東京放 蛇 café【 東京 】

秋風起三蛇肥，不過今次唔係介紹蛇羹店，而係活生生的蛇 café！於原宿開設的café & snake，只要畀 ¥1,000/HK$65入場費，即包一杯飲品，任揀一條心儀的蛇陪坐。 蛇 竇現有40條玉米蛇、球蟒等不同品種的蛇駐場，全部冇毒性，加多¥540/HK$35，仲可以「引蛇出盒」親密接觸。聽落嚇人，其實不知幾受後生女歡迎，開業首月已有過千人入場。店內亦有自家設計的 蛇 精品發售，貓狗café去到悶，不妨換個重口味。