巷仔美味關東煮?! 澳門新橋 7大好嘢食!
撰文：特刊組 | 圖片：新假期資料庫
01 澳門新橋 好評巷仔關東煮 － 關東煮工作坊
這間小店位置隱蔽，在渡船街附近的巷仔裡，但亦相當受歡迎。店舖開業只有一年多，不過Facebook 已有近萬Like，不少網友激讚。小店的食物質素高，它的自製湯底非常出色，用昆布、鰹魚等材料熬16小時，味道鮮甜。而且材料都是真材實料，食材由日本新鮮運到，有鬆弛熊魚板、帆立貝麻糬餃等共23款，每款售MOP$7-13。來自大阪的老闆經常研發新菜式，他把芝士粒加在麻糬福袋內，煮熱後一咬開就會湧出芝士漿，正！
老闆來自日本，對關東煮質素要求相當高。
有6款材料的關東煮，車仔麵一般任你揀。湯底可無限添加。
細細粒賣相可愛，入口有帆立貝的鮮甜味。
老闆研發， 麻糬加芝士，飽足感滿分。
賣相可愛，不過食落同一般魚餅分別不大。
樣靚，一咬就有熱溶的芝士湧出。
魚味濃郁，而且好彈牙！
店內有4座位吧枱，可以堂食或外賣。
地址： 澳門新橋𠜎雞街41號永昇大廈43號地舖（顯示地圖）
電話：853-2835 0201
營業時間：星期二至日5:30pm-1am;逢星期一休息
Facebook專頁：關東煮手作坊 Oden Studio
交通：乘3號巴士至沙梨頭海邊街下車，步行5分鐘
02街坊茶記有驚喜新威廉咖啡美食
在澳門茶餐廳通常被稱為「咖啡室」或「咖啡美食」，在連勝馬路就有間好多街坊幫襯的「咖啡美食」。餐廳的食物與香港茶記相若，驟眼睇好似好普通，睇真啲就發現有驚喜！豬扒包食得多，菠蘿豬扒包就好少見，雖然餐牌上就唔見有菠蘿豬扒包，不過唔少街坊都會照叫。菠蘿包是自家製的，包身相當鬆軟，而且面層夠脆，中間夾住大大塊豬豬，好食。另外，當然要試下餐廳的奶茶質素，凍奶茶的奶味香濃，帶有茶的微甘，高質。值得一提，餐廳有賣多款自家製蛋糕，如瓜子紙包蛋糕、三角朱古力蛋糕、提子蛋糕等，幾特別。
大菠蘿包中有雞尾包的甜餡，鹹鹹地的豬扒同菠蘿包出奇地夾，好有驚喜！
做法同乾炒牛河相若，用通粉取代河粉，配搭夠新鮮，不過通粉未夠彈牙。
奶同茶的比例剛剛好，奶茶的茶味足，飲落質感濃稠，順滑。
外形懷舊，但朱古力味唔夠濃。
外層酥皮鬆化，值得一試。
一早來到澳門，來食個地道早餐再去玩，剛剛好。
地址： 澳門新橋連勝馬路45號（顯示地圖）
電話：853-2836 5235
營業時間：星期一至日6:30am-6pm
交通： 乘12號巴士於盧廉若花園落車，步行7分鐘
03 首創鐵板厚班戟樂點咖啡
澳門的靚Cafe 近年愈開愈多，要在眾 多店中突圍而出，食物必須創新同特別先可 以保持高人氣。餐廳主打創意班戟，上年年 尾推出了期間限定的鐵板厚燒野莓醬班 戟，反應超好。最近更乘勝追擊，推出鐵板 抹茶紅豆鐵板厚班戟，各位抹茶控一定唔可 以錯過。鐵板班戟厚4cm， 內有流心忌 廉，蘸滿抹茶茶醬和冰涼的雪糕食，又凍又 熱， 口感豐富！這個厚班戟都是期間限 定，不過老闆娘話未定停止供應的日期，如 果去到發現沒有供應鐵板班戟，都可以照 Order，師傅都會即製一客！
隨鐵板班戟附上一杯抹茶醬，把醬汁倒下，厚班戟上的抹茶雪糕便會極速溶化，好似抹茶火山爆發般，超有視覺效果。
這道甜品是Hidden Menu，雖然餐牌上無介紹，但各位食家都可以照點，自家製紫薯雪糕，配上口感鬆軟的厚班戟，超香紫薯味，正！
熱溶芝士黏在班戟上，食落又鹹又甜，好特別！
用正宗京都抹茶老店「丸久小山園」的茶粉，凍飲的茶味都好濃！
餐廳在永樂戲院附近，雖然遠離遊客區，吸引了不少本地人及香港人特意去幫襯。
地址： 澳門新橋鏡湖馬路72號臻華大廈地下A座（顯示地圖）
電話：853-6361 2723
營業時間：星期二至日12nn-9pm（8pm最後點餐），逢星期一休息
Facebook專頁：樂點咖啡 The joy of living cafe
交通：乘8號巴士於永樂戲院下車，步行1分鐘
04正宗日本茶道館 汴京茶道館
渡船街雖然不接近旅遊區，但有不少特色食店，相信這間茶道館就最啱文青口味。餐廳開業1年多，以正宗茶道打響名堂，提供各種中國茶、日本、花茶和日式和菓子。茶道館設計充滿日式情懷，坐在榻榻米上客人仿如到了日本茶室一般。入座後，茶藝師會向客人介紹一次餐單，客人在點茶前可了解清楚，即使你對茶一竅不通都唔怕點錯。如果喜歡抹茶就一定要試八女星野抹茶，抹茶粉來自福岡星野村，飲落有抹茶的清香，而回甘亦較持久，上茶時茶藝師會示範一次打茶，飲完第一泡後，客人可以自己嘗試打茶。
提供10款和菓子，全部由日本直送，用來送茶一流。
提供3泡抹茶的份量，第一泡會由茶藝師示範，客人可以嘗試打其後兩泡。試過便知要打到泡沫豐盈並不容易。
每份茶都會配有一份3粒的茶菓。
綠茶配以新鮮蘭花，沖泡後聞到陣陣蘭香。傳統裝即是客人可自己返沖泡茶葉。
每份Menu都是人手以瘦金體書法寫成，好有心機。
客人要脫了鞋才可踏上榻榻米，而且必須穿襪，如沒有穿襪都可以向茶道館購買。
地址： 澳門新橋渡船街65號A（顯示地圖）
電話：853-2855 7002
營業時間：星期一至日3pm-12:30am
Facebook專頁：汴京茶道館 Tealosophy
交通：乘3號巴士於沙梨頭海邊街下車，步行5分鐘
05多國亞洲菜茶餐廳樂記咖啡
以為茶餐廳只有豬扒包、西多士食？錯，這間茶餐廳既保留了澳門傳統咖啡室的美食，又提供多國菜，而特色推介的多國菜價錢都只是$40以下， 好抵食，當中以馬來西亞板麵最受歡迎。板麵是馬來西亞常見的麵食，麵條是扁長的，口感厚實。板麵上鋪滿江魚仔、辣肉碎和蝦米等材料，一上枱就聞到好香蝦米味。上板麵時會配一碗湯，可以選擇乾拌或加湯食。除外，餐廳亦有不少特別菜 式，如Wasabi 牛肉撈丁食落有淡淡的芥 末味，好特別。
一上枱已被蝦米和江魚仔的魚香吸引，把配料拌勻後，江魚仔的鹹香味依然非常突出。
Wasabi的味道不會太嗆鼻，淡淡的芥末味反而帶出牛肉的鮮味。
新加坡的人氣飲品，美祿粉堆在凍美祿上，見到都覺得吸引。
餐廳深受本地人喜愛，唔少街坊幫襯。
地址： 澳門新橋提督馬路88號地下（顯示地圖）
電話：853-2821 1135
營業時間：星期一至日7am-6pm
交通： 搭3號巴士提督/紅街市落，步行2分鐘
06性價比高蟹黃麵澳門新龍記
別小看餐廳一副茶餐廳格局，它在澳門相當有名氣，很多人都特意前來。不少網友推介他們的蟹黃撈麵，蟹黃望落有點乾，但食落就有好甘香的油脂味，拌勻麵底後，啖啖都有蟹香。如果想要多點蟹黃，只要加$20就可以有蟹黃滿瀉的效果！餐廳的食物價格都是街坊價，抵食！
好香蟹膏味，食落有點油，亦有蟹黃的鮮味！
墨魚餅是店家每日新鮮手打，非常彈牙、香口。
餐廳雖然格局似茶餐廳，食物有驚喜。
地址： 澳門沙梨頭區沙梨頭南街29號地下E舖（顯示地圖）
電話：853-2825 2517
營業時間：7am-10pm
交通：搭3號巴士提督/紅街市落，步行6分鐘
07街頭米芝蓮點心店昌盛餅店
2016年香港澳門米芝蓮指南中新設了街頭小食推介，這間老字號昌盛便是其中一間。店舖是外賣點心包點的專門店，雖然是街邊檔，但點心質素好，甚至比一般的街坊茶樓味道更好。小店賣的點心種類有10多種，每款每件價格$10有找。推介小店的豬肉包和燒賣，豬肉包成隻手咁大，外層鬆軟，內餡的豬肉碎香口；而燒賣食落有豬肉香和蝦味，而且餡料帶豬肉肉粒，正！
每粒都好足料，豬肉與蝦的比例平均。
粉果大大粒，內餡加了粉葛，好爽口。
熱辣辣，食落啖啖肉！
餅店外放滿蒸籠，離遠看見蒸氣迷漫。
地址： 澳門新橋道咩啤利士街11號B舖地下（顯示地圖）
電話：853-2856 8870
營業時間：星期一至日7am-7pm
交通：搭3號巴士提督/紅街市落，步行3分鐘
延伸閱讀：
氹仔都有好嘢食! 10間美食小店推介 |澳門|
