櫻花盛開 Sakura 甜品開催 !@Charmaine
廣告
全球櫻花開得燦爛，查實Charmaine 都好like 粉紅緋緋的櫻花，亦有留意市面各樣櫻花甜品，可能隔籬飯香啦，Charmaine 始終覺得香港的櫻花甜品差少少，以往去過六星酒店的日本餐廳食，靚就靚，不過一個Set 動輒成千元先有交易，或是平平哋買個Italian Tomato 的櫻花蛋糕，可惜年年一樣沒新意。
今年終於有喜訊——Muji Café首次推出櫻花限定甜品，必食櫻花白桃慕絲蛋糕，櫻花以鹽漬，保留花瓣微酸味，質地很滑！最開心是還引入了四款櫻花小食，通通二十幾元有交易，供應至四月中。
雖然多了Muji 選擇，但相比起日韓，依然輸九條街，好似每年萬眾期待的Starbucks 櫻花杯，日韓版必定秒殺被放上網炒，但港版卻冇乜人問津。就連根本冇櫻花的泰國都推出了酒店級櫻花Afternoon Tea，只售二百元港幣for two。而強國的代表淘寶，有大量好笑到爆炸的「櫻花蛋糕」，有的更嚴正聲名只用武漢、合肥的本地櫻花製成，絕不是日貨喔！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
