【觀塘】有特色！工廈抵食火鍋放題
位於觀塘開源道的開餐達人，平時office hour是做抵食中西式快餐及外賣為主打，但一到晚上，就搖身一變成為火鍋勝地。
開餐達人的火鍋採用小鍋形式，每2人可order 1個鍋及湯底，除了比較衛生外，如果多人的話更可以跟朋友交換湯底，嘗試不同組合！餐廳提供4種湯底作打邊爐用途，包括：港式芝士濃湯、日式蕃茄濃湯、南瓜牛乳湯及芫茜皮蛋湯，夠晒特別！開餐達人推行素食，除了以上邊爐湯底外，比較特別的是提供所謂的“素雞煲”。故名思義，“素雞煲”的雞不是真正的雞，是由素菜以特別手法做成的雞，就算唔係食雞都有雞味，不過就比較熱氣。所以小編今次就跟朋友試試港式芝士濃湯和南瓜牛乳湯底，另加一眾素材料。
港式芝士濃湯
一開始滾起，味道有點似忌廉湯，但隨著時間推移，湯底會愈來愈濃，吃到最後記得要加即食麵，分分鐘有芝士撈丁的味道！
食材從芝士鍋滾起後，芝士味混合其他素食味，比起肉食更特別。
南瓜牛乳湯
一上台便聞得到香濃的牛奶味，但南瓜味就不是很出眾，建議先點一碟南瓜倒進去作添加。湯底香滑，吸收其他食材後更添鮮味，可當湯飲呢！
下頁續：講完湯底，係時候講食材！仲有另一熟食推介！
延伸閱讀：【九龍灣】多啦A夢Pop-Up Café開幕！4大必吃食物率先睇！
素肉加落湯底滾起後，湯底味濃郁，一點都不覺得自己正在吃素。
小編一向是食肉獸，今次第一次嘗試這麼多素食，倒又覺得還不錯。素食材中比較特別的有素蝦、素芝士腸及素牛丸：
－素蝦：口感夠爽，好咬口，質感有點像魚蛋，但有少許蝦味。
－素芝士腸：外表跟真正的芝士腸差不多，但口感非常有趣，有點像”淋”了的午餐肉。
－素牛丸：外表奇突，應該是有心造到像牛丸般。質感有少許像牛，但味道就不太似，適合戒吃牛肉的人回味一下。
當然亦少不了真正的肉丸類，味道跟其他火鍋店差不多，不好也不壞。
聽老闆說，所有火鍋食材中最重視的就是蔬菜，一定要新鮮，所以要根據客人訂座數量而每天去購買新鮮蔬菜，亦因此，必須要至少一天前電話預約才有機會有位。而嘗試後亦覺得這裡的蔬菜吸了湯汁後味道非常不錯，果然食材的新鮮度是很重要的。
而另一吸引食物絕對是這個煲仔香草焗肉醬意粉！
於瓦煲上的肉醬意粉，外觀上已加分不少，一上檯，香味濃郁，但吃入口卻不算太濃。意粉咬口不錯，不似其他平價西式餐廳。惟肉量不夠，相信未必能滿足食肉獸的食慾。
開餐達人
地址：觀塘開源道47號凱源工業大廈1樓B室
電話：2811 1496 / 3689 2496
網站：http://www.facebook.com/BagotRestaurant
