日本最濃味～極品朱古力布甸！香港有得買 (再附5大日本甜品)
1. 全天然素材極品濃厚朱古力布甸
網上大熱，稱為最濃味的朱古力布甸，原來特別在使用「純粋無垢」的原材料，沒有使用香料和色素，朱古力、可可和牛奶的原始味道被完全引出。二層的特別設計，面部的布和底部的朱古力忌廉，加起來口感比慕絲更加厚實，而且又creamy，邪惡～
產地﹕愛知県
網上食評﹕「朱古力味香濃，綿密無比，軟滑順口，非一般布甸的質感，回味無窮！」
2. 極品濃厚芝士布甸
另一個濃厚芝士布甸，有人食後就覺得佢好有食芝士蛋糕的感覺，布甸所使用的北海道芝士增蛋芝士味，而特別調教過的雞蛋牛奶比例令口感不會過軟，也不會太挺身。芝士控記得留意。
產地﹕愛知県
網上食評﹕「吃著這個布丁，好有吃chesse cake 的感覺 ^o^」
3. 極品原味布甸
如果你剛好唔係朱古力同芝士的fans，食原味啦！原味布甸同樣有「口感不會過軟，也不會太挺身。」的特質，配合焦糖在口中慢慢溶化，滑呀！
產地﹕愛知県
4. 自家製豆乳濃厚抹茶豆乳布甸
次次講甜品，抹茶就一定有份。濃厚抹茶豆乳布甸，使用日本國產材料，在牛奶，雞蛋之外再加石臼抹茶粉，令布甸在順滑之外加了份抹茶香氣，即是貴氣咗，高級咗，係有驚喜之選。
產地﹕愛知県
網上食評﹕「超濃抹茶味，不太甜，有柔和豆乳香，很快便吃掉一個了!」
5. 究極濃厚芒果布甸
簡單一個芒果布甸，又究極又濃厚，有乜咁特別先？原來佢用咗特別嘅Alfonso香濃芒果同Carabao清新酸甜芒果果肉，豐富又奢華的美味感覺，各位芒果愛好者今次一定滿足啦。
產地﹕埼玉県
6. 意大利軟芝士牛乳銅鑼燒
平時食銅鑼燒都係紅豆餡，今次介紹嘅版本就夠哂講究，餡料用意大利軟芝士混北海道鮮忌廉，食時不會有過甜的感覺，等大家試到原味的芝士！
產地﹕埼玉県
方法1: 香港買到極品布甸！太古日式超市有得賣！
(極品朱古力布甸價錢: $25)
正呀！多得讀者Carmen報料，發現原來香港有一間日式超級市場，出售原味，芝士味，朱古力味的極品布甸！記者今日(10月16日)去到超市，發現貨源依然充足(見下圖)，各位醒水啦？
另外記者都買咗幾個比朋友食，以下為評語：
原味: 布丁蛋味濃郁，味道不甜，口感較為黏口
芝士味: 布丁質感非常幼滑，入口creamy，芝士味不算太濃，但香氣會在口腔維持一段時間，味道比一般芝士蛋糕鹹，但整體評分不錯，值得一試
朱古力味:軟綿綿嘅口感，味道偏甜，而且朱古力醬沉底，愈食會愈甜。但整體而言，可以係取代雪糕嘅甜品 。
APITA 太古城
地址: 太古城中心商埸
電話: 2885 0331
營業時間:
星期一至四: 全店上午10時至晚上10時半
星期五、六及日: GF: 上午10時至晚上10時半 / BF: 上午10時至晚上11時
方法2: 日本宅配店送去你屋企門口
(極品朱古力布甸價錢: $12.91, 未包運費)
呢款日本便利店尊貴的朱古力布甸，除咗上述方法一，方法二係可以由日式宅配店從日本直接運到香港，再直接運去買家屋企，於截止訂購日後，最快可以2日送到屋企，都幾快速！我哋就睇下詳情啦：
Oisix日本食品宅配専門店
購買網頁: 連結按我
購買程序:
1. 登記會員: 購物前登記做會員
2.選購商品: 選擇極品朱古力布甸(產品連結: https://goo.gl/P33Bqt)，並選擇數量
3. 填寫訂單: 進入購物車確認產品及價錢
4. 付款:使用信用卡或PayPal
送貨地點:
香港島、九龍及新界區大部份地方都可以送到，但記得如果地址在打鼓嶺，米埔，文錦渡，坪洲，蒲台島，長洲等地方的話，就不設送貨服務。詳情: https://goo.gl/UhVdX6
最後大家記得留意，宅配店有設最低消費(購物到2000日元，繼130港元)，也有運費(1000-1500日元)，買得多時運費會更低，購物到10000日元就會免運費。詳情:https://goo.gl/JopYZX
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
