尖沙咀

【掃街王】尖沙咀歎最Elegant小食甜品

新假期編輯部

Jul 24 2015

廣告

行街行到攰，最好就梗喺有個地方比一眾愛吃之人坐低，涼浸浸咁食好嘢啦！今次我哋掃街王帶大家去尖沙咀，話比大家知，呢度唔係只得金舖同藥房，仲有好多又靚又足料嘅三文治、甜品和小食，等住大家去食啊！

1. 法國名餅店歎挪威煙三文魚治

尖沙咀呢間法國餅店，平時就出開甜蜜蜜Macarons，而最近佢哋就出埋三文治，仲要用靚材料，每日新鮮整，實行鎖住一眾鍾意hightea人士的胃。

掃街王_尖沙咀_煙三文魚治 — 煙三文魚治 $24。這件三文治是以挪威煙三文魚做餡料，那股煙燻味道很香濃，而且新鮮，喜歡濃味三文治人士可以一試。

掃街王_尖沙咀_雞肉蛋治 — 雞肉碎蛋治 $22。看看這三文治的餡料排到密密麻麻就知幾足料，食落口感非常豐富，雞肉和蛋亦很鮮味。

掃街王_尖沙咀_火腿治 — 火腿奶油三文治 $24。三文治內的火腿是由法國來港，食得出有一絲絲火腿肉的感覺，加上奶油，味道很香。如果覺得煙三文魚有點濃味，可以試食這件火腿三文治。

掃街王_尖沙咀_Macarons — Summer Giftbox $288/8款馬卡龍。有兩款顏色禮盒，淺藍和黃色，再自選八款馬卡龍，最適合用來送給愛吃甜品的妹豬。

Ladurée尖沙咀分店
地址：尖沙咀廣東道17號海港城港威商場三樓3224號舖（顯示地圖）
營業時間：星期一至日: 10:00-22:00
電話：2175 5028

2. 日本雪糕店歎高知縣綠茶刨冰

呢間日本雪糕店最出名係蜜瓜雪糕同綠茶雪糕，店面經常都有人排晒隊買雪糕食。今次尖沙咀開分店推出新產品，就係刨冰，啱晒大熱天時用來消暑。

掃街王_尖沙咀_綠茶刨冰 — 高知縣綠菜刨冰 $78

這個刨冰特別之處是他們製作此冰時，會先將綠茶葉放在水中再一起雪藏，所以刨冰食起上來會有一些綠茶的苦澀，相信喜歡綠茶的人都會欣賞這股綠茶澀味。至於喜歡多層口感的人，就一定要一整匙，由最頂的刨冰，配上紅豆，再有中層的綠茶布甸，食到最底層的寒天，口感非常豐富，味道會中和綠菜刨冰的苦澀，值得一試。

掃街王_尖沙咀_柚子刨冰 — 廣島縣柚子刨冰 $78。這個柚子刨冰，充滿酸澀味，但因為柚子蜜醬，食落就會變甜，而且非常解渴，絕對是消暑良伴。

i Cremeria尖沙咀分店
地址：尖沙咀廣東道17號海港城海運大廈OT-G03A（顯示地圖）
營業時間：星期一至日: 11:00-23:00
電話：2386 6266

3. 樓上Café歎足料PIZZA和蛋治

這家位於柯士甸路的樓上Cafe，位置的確有點難搵，但上到去環境開揚舒服，而每份食物都落足料，絕對係一個可以約埋三五知己聚頭的好地方。

溏心蛋芝士肉丸PIZZA $90/半份 $160整份。整個PIZZA非常足料，咬落去啖啖都有芝士、蛋和肉丸，非常豐富。 — 溏心蛋芝士肉丸PIZZA $90/半份 $160整份。整個PIZZA非常足料，咬落去啖啖都有芝士、蛋和肉丸，非常豐富。再看看那拉出芝士的瞬間，喜愛芝士的人真的無抵擋。

掃街王_尖沙咀_蛋治 — 2.5吋蛋三文治 $70。蛋是用3隻美國蛋再加入芝士一齊炒，沒有加入其他調味的情況下，足料又香滑，再用兩塊漢堡芝士夾住蛋，芝士味道非常濃郁。不過，芝士可能會有點膩，最好就二至三人一同分享。

掃街王_尖沙咀_Dean門口 — 這家小店連店名都別具意思。靛，有帶著刷出新火花的意思，店主希望可以透過接觸不同的客人和事，來不斷學習。

靛Dean’s Cafe
地址：尖沙咀柯士甸路28號香港商務中心1樓（顯示地圖）
營業時間：星期一、三至日: 13:00-22:00；星期二休息
電話：2885 0728

4. 台灣甜品店歎愛文芒果肉冰棒

這家台灣甜品店以芒果做主題甜品食材，最近就推出以台灣屏東愛文芒果肉所製成的冰棒，真是夏天良伴。而且用果肉造雪條，食起上來會無一陣人工甜味，同埋唔會食到成個嘴都係橙色。

掃街王_尖沙咀_芒果冰棒 — 愛文芒果冰棒 $32。以愛文芒果肉，雪凍變冰棒，食落不會太甜，有芒果香，咬落有雪到硬的果肉質感，有別於雪條的質感。

MangoChaCha
地址：尖沙咀漆咸道南33-35號友聯大廈地下5號舖（顯示地圖）
營業時間：星期日至四: 14:00–01:00；星期五、六及公眾假期: 14:00-02:00
電話：2723 2777

5. 卡通主題店歎蜜糖多士盒

這間以史露比做主題的餐廳所推出的蜜糖多士盒，內有軟綿綿的蜜糖麫包，再加上可愛的史露比在雲里拿雪糕頂上，整個造型，唔係唔相機食先啊嘛?!

掃街王_尖沙咀_蜜糖多士盒 — 史露比蜜糖多士盒 $118；$198連3款Macarons。

掃街王_尖沙咀_蜜糖多士盒包 — 盒內麫包充滿蜜糖味，而且軟綿綿。

掃街王_尖沙咀_snoopy — 話明主題餐廳就一定有好多史露比喺場內坐陣啦！

查理布朗咖啡專門店
地址：尖沙咀金馬倫道58-60號國鈀大廈地下至1樓（顯示地圖）
營業時間：星期日至四： 08:30-23:30；星期五至六： 08:30-00:30
電話：2366 6315/ 2366 6325

延伸閱讀：
一生人必試！3大藝術甜品
 旺角呃Like 甜品黃金雀籠Afternoon Tea 【旺角】
《新假期周刊》電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！

關鍵詞

三文治小食尖沙咀掃街王