懶到盡頭 一鑊熟意粉! @Charmaine

繼早前熱爆的番茄飯，最近又被「一鑊熟意粉」狂洗版，不少煮食群組、bloggers，甚至身邊對煮食一竅不通的朋友都躍躍欲試。所謂一鑊熟，顧名思義就是不預先將意粉烚熟、不將材料另外煮，直接將所有材料放進鑊中，加適當的水煮約十五分鐘至收乾，據聞成功率達九成！「連碟都洗少幾隻」、「唔使預先爆配料，用少d 油，夠健康！」、「而家就算一個人都有動力煮嘢食啦！」好評如潮。今日放工唔想在家吃得太複雜，就用了番茄、洋葱、蝦仁、羅勒、雞湯來煮一鑊熟意粉，煮出來意粉口感偏腍，不過吸盡材料味，吃落都唔錯！建議用湯汁煮比用清水好，否則會像白烚意粉般冇味。湯汁也應預先調淡一點，因會愈煮愈濃縮。此外食材會否出水、是否耐煮都要留意。其實一鑊熟的構思在外國早已存在，上網search”one panpasta” 即可找到不少食譜，與番茄飯異曲同工，原意都是貪方便。就算是在香港，「一鑊熟」都唔係新鮮事，看看媽媽久唔久都做的一品窩，咪就係一鑊熟囉！