愛你等於害你？！ 強國客 搶灘袋鼠國＠杜遊珍
廣告
有睇新聞都知，近年世界各地不時出現暴力反華事件，早2個月之嘛，澳洲悉尼曾發動過反華遊行，雖然最終唔成事，但當地人對 強國客 狂掃澳洲樓而推高樓價的問題，就擺到明愈來愈不滿。不過你有你唔鍾意，最近Hotels.com公布《中國遊客境外旅遊調查報告2015》，喺「中國旅客於未來12個月希望到訪的十大目 的地 」一項，第一位竟然係澳洲！
都真係估佢唔到，中國人最恨去的頭號目的地，竟然唔係巴黎倫敦米蘭呢類歐洲名牌大都會！阿珍立即搵返相關數據，原來有跡可尋。上年有近60萬中國遊客到訪當地，在當地創下130億澳元的旅遊收入。見有咁大隻肥羊，澳洲政府都懶理民間反對，採取多項措 施以表達歡迎中國同胞之情，首先係成為世上第四個向中國發出10年旅遊簽證的國家，今年9月仲會首度批出 5,000個工作假期簽證名額。
消息一出首當其衝當然係澳洲本地人，阿珍個洋人朋友就話依家超市的「 限奶令 」，連當地人都限制最多買2罐奶粉，依家旅遊簽證延長咗，意味水貨客將會更頻密出現。但原來喺澳洲工作假期嘅港人一樣咁擔心，身在墨爾本個細姪就同阿珍大吐苦水，佢話依家好多工種已經畀台灣人以低於標準工時嘅人工搶走，再加多五千個中國人來爭飯食，睇怕仲難撈過喺香港，阿珍惟有安慰佢話香港已經跌出中國人最愛的三甲，如果喺澳洲爭唔到，不妨返香港休息吓。
