心甘命抵 super 保姆@陳細

人到二十幾歲, 在家中的角色慢慢調換了, 特別在旅途上, 從被爸媽拉著小手慢慢走的小孩, 變成包辦行程食宿導覽地圖保安翻譯領隊, 專業過專X旅運的24小時on call super 保姆 , 好累呀! 擔心家人晚上睡得不好, 法包未必岩食, 早早去跑一趟中超; 過馬路要當心掛住睇風景不留意路面情況的家人; 每三個字提醒一次小心荷包與貴重物品; 離遠看到假募捐真呃錢的騙子就要拉著家人急急走開邊狠狠地瞪那堆騙子幾眼, 還有高聲廣播邊個站上車落車轉車喂小心扒手呀你掛住望電話! 原來大媽真是這樣煉成的, 身邊多了幾個要被照顧的人, 就不得不強大, 嘮叨與惡起來。又時不時發現原來自己走得太快, 家人跟在後面, 步履有點蹣跚了, 我又跑回頭去扶一把。此時此刻, 心情有點複雜。這會不會是人生沒有幾多次的, 正在倒數的, 一家人一起去旅行呢?

但看到家人像細蚊仔看大觀園的嘩嘩嘩聲, 又在親戚社交群組瘋傳/瘋曬旅行照, 已經夠心滿意足 (well, 但辛苦和累仍然是辛苦和累的), 曾幾何時我肯定都一樣, 小小眼睛貪婪地希望發現這個世界更多。

回到巴黎家中, 爸爸開始發揮爸爸本色, 張羅晚飯和做家務, 嚷著要去買菜煲湯比我潤下… 其實我已經自己生活了好幾年喇! 但永遠是他心中的BB吧。這一次就讓我來湊住你地玩啦。但你亂過馬路我就好惡架講明先。

我爸顯然是不在乎凱旋門風光 (笑喊), 他只在乎寶貝孩子有沒有被拍到(笑喊)。
所以由他掌鏡的大部分相都是我跟弟弟的大頭合照 (笑喊)。

super 保姆 自己都有個私家保姆保安司機工人苦力銀行……. 辛苦了我的萬能小肥鬼。請你食甜餅啦!

facebook.com/crepes.de.france.and.alyse
instagram.com/alysechansaisai

延伸閱讀：
On the Way to the Front @ 陳細
一個人住 @陳細