帶阿媽去自由行要注意的事！@杜遊珍
廣告
1. 酒店住宿──名牌要緊、小眾累事
阿媽真係好唔識欣賞嗰啲好Rustic 呀、Industrial 呀Artistic 嘅設計，仲會嫌唔夠光猛、啲畫邪邪哋，所以請你盡量揀佢懂得嗌酒店名的地方，例如四季、半島，平啲可以揀Four Points by Sheraton（ 因為有「喜來登」三個字）， 以曼谷為例， 半島經常做4k 樓下的四天套票，好抵，好啱帶呀媽去！
2. 膳食安排──地道行先、掃街最潮
再以曼谷為例，盡量帶呀媽去街邊檔，因為佢哋真係好鍾意食！濕濕哋嘅河粉、香噴噴嘅串燒、仲有芒果糯米飯，硬係覺得街邊好食啲，因為有風味之餘，亦係唯一可以通知師奶Fans「我做過當地人」。
3. 食量估算──多菜少肉、少食多餐
雖然呀媽食得唔多，但通常好為食、好似金魚食極唔飽，同時又不斷話「我依家食好少㗎、蒸條魚烚條菜就係一餐」， 你由得佢講啦，你話去食喇沙佢就話好㗎喇！另外，呀媽係好喜歡去果園的，摘即食果種！
4. 景點策劃──超市才是王道！
上期提到寺廟只是到此一遊，真正戲肉係超級市場！有朋友兩年前去沖繩，幾乎去勻全島AEON（ 當時仲叫「吉之島」），每晚買生果作宵夜，成班呀媽親戚已經好開心，今年過年仲講緊！
5. 腳骨力評測──攰都唔出聲
自由行當然無旅遊車點對點運送，路就自然行得多，但老人家幾時真係好難估，最常見就係勁都唔出聲，返到酒店對腳痛到第日行程半取消咁滯！心得係： 你自己覺得開始時，相信就係阿媽需要坐低休息嘅時間時，將體力同步，先可以齊齊去得更遠嘛！
