大阪過江龍居酒屋 二百蚊歎庶民酒食 【西灣河食乜好】
廣告
日本人放工愛蒲 居酒屋 ，在日本有20間店的大眾酒場 Majimeya 首度 進駐。此店在日本人均消費2,000円(HK$130)，來到香港也不用二百蚊一個人，幾合理。請來廿年經驗，在集團工作6年的日籍廚師藤井來港主理，有多款佐酒美食，燒蔬菜、炸物、刺身等，夠正宗。驚喜位是招牌酥脆雞塊，用雞髀肉加炸粉、粟米片炸香，塗上蜜糖及醬油，香脆得來啖啖肉，佐酒一流。還有香港少見土手燒，牛筋以味噌、醬油燜煮5小時以上， 燜腍入味，配大量青葱，味道清新。居酒屋就少不了酒，餐廳有啤酒、威士忌、梅酒、燒酎、餐酒等，都是日本品牌。除生啤外，還有威士忌加梳 打的 Highball、白酒梳打加果肉的白酒特飲、果味雞尾酒等，任君選擇。至於環境，香港店較舒適時尚，不如日本店坐汽水箱，風格明顯有別。不 過200元左右就歎到正宗日本庶民風味，不錯!
