【 南法 之旅】唔食對唔住自己 – 甜食篇(上集) @為何斯德哥爾摩沒有譚仔三哥

1. Crêpe 可麗餅

喂，黎到法國！
第一名梗係唔小得Crêpe份啦，要鹹有鹹，要甜有甜。

今次點左nutella x香蕉，配埋上面D糖霜，好好味呀！
不過最好有朋友share啦，我咁大食，食完都覺得好膩呀。

2.Crème brûlée 法式焦糖燉蛋

第二名，繼續傳統！黎到法國點少得法式焦糖燉蛋呀。
呢樣係程仔最愛既甜品呀，精華係面果層香脆焦糖，拎隻匙羹敲落去角角聲就岩曬喇。

又香又滑，外脆內軟，有邊個唔鐘意食呀？

3.éclair (aux fruits)閃電泡芙配生果

泡芙大家就食得多喇，呢味閃電泡芙黎到法國一定要試。
程仔話我知佢個名既由來係因為佢太好食，囡囡們食佢快如閃電而得名。(我心諗……又幾貼切喎)

其實除左閃電生果泡芙，仲有閃電朱古力泡芙等等架。
不過我就覺得咁難得黎到法國，一定要食下佢D新鮮生果先對得住自己。

夜闌人靜打到呢到開始頂唔順，好肚餓真係，下集繼續！

延伸閱讀：

【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥

【南法之旅】唔食對唔住自己- 海鮮 篇(下集)@為何斯德哥爾摩沒有譚仔三哥